ອົງການທະເລແຫ່ງຊາດຈີນໄດ້ຕອບສະໜອງ "ວິທີການອະນຸລັກ, ຄຸ້ມຄອງແລະນຳໃຊ້ຊາຍຝັ່ງທະເລ" ໃນວັນທີ 31 ມີນານີ້, ຂະນະທີ່ເຈົ້າໜ້າທີ່ອົງການດັ່ງກ່າວໄດ້ຢືນຢັນວ່າ: ເມື່ອຮອດປີ 2020, ຈະຮັບປະກັນໃຫ້ຊາຍຝັ່ງທະເລທຳມະຊາດກວມເອົາ 35% ແລະ ຈຳກັດໂຄງການກໍ່ສ້າງທີ່ກວມຊາຍຝັ່ງທະເລທຳມະຊາດຢ່າງເຂັ້ມງວດ ທັງດຳເນີນການປັບປຸງຊາຍຝັ່ງທະເລ.
ຊາຍຝັ່ງທະເລຂອງແຜ່ນດິນໃຫຍ່ຈີນຍາວ 1 ໝື່ນ 8000 ກິໂລແມັດ, ຂະນະທີ່ພື້ນທີ່ໃກ້ທະເລ ລວມທັງທາງບົກ ແລະ ທາງທະເລ ໄດ້ກາຍເປັນເຂດສຳຄັນທີ່ເສດຖະກິດຂະຫຍາຍຕົວຢ່າງແຂງແຮງ ແລະ ສັງຄົມກໍຈະເລີນສີວິໄລ ແລະເຂດຊາຍຝັ່ງທະເລທີ່ຢືນຢັນເຖິງອຳນາດອະທິປະໄຕແລ້ວນັ້ນ, ປະກອບມີເຂດທະເລທີ່ນຳໃຊ້ລ້ຽງສັດໃນນ້ຳກວມປະມານ 55%, ໃຊ້ໃນການຄົມມະນາຄົມຂົນສົ່ງກວມປະມານ 10%, ໃຊ້ໃນການຖົມດິນເພື່ອຂະຫຍາຍຂອບເຂດຕົວເມືອງກວມປະມານ 12% ແລະ ໃຊ້ໃນຂະແໜງອຸດສາຫະກຳປະມານ 7%.