ຕອນບ່າຍວັນທີ 31 ມີນາຜ່ານມາ, ເຈົ້າໜ້າທີ່ຕຳຫຼວດໄທໄດ້ຖະແຫຼງຂ່າວວ່າ: ເດືອນມີນາຜ່ານມາ, ສາມາດມ້າງຄະດີຢາເສບຕິດໄດ້ 685 ລາຍ ແລະສາມາດຈັບຜູ້ຕ້ອງສົງໄສຄ້າຢາເສບຕິດ, ຜູ້ມີຢາເສບຕິດໄວ້ຄອບຄອງ,ຜູ້ເສບຢາເສບຕິດແລະອື່ນໆ 713 ຄົນ.
ຜົນຂອງການມ້າງຄະດີດັ່ງກ່າວ, ຕຳຫຼວດສາມາດຍຶດຢາເສບຕິດໄດ້ເປັນຈຳນວນຫຼາຍເຊັ່ນ: ຢາໄອສ໌ 620 ກວ່າກິໂລ, ຢາບ້າ 1 ແສນ 5 ໝື່ນເມັດ,ກັນຊາ 10 ໂຕນ ແລະ ເຮໂລອິນ 7 ກິໂລເປັນຕົ້ນ.
ຂະນະດຽວກັນ, ພາກສ່ວນປະຕິບັດກົດໝາຍຂອງໄທກໍຍຶດປືນໄດ້ 48 ກະບອກແລະລູກປືນ 140 ກວ່າລູກ, ພ້ອມທັງຍຶດເຮືອນ,ລົດແລະເງິນສົດຂອງຜູ້ທີ່ກ່ຽວຂ້ອງກັບຢາເສບຕິດໃນມູນຄ່າຫຼາຍກວ່າ 15 ລ້ານບາດຫຼືປະມານ 3 ລ້ານຢວນ.