ວັນທີ 31 ມີນາຜ່ານມາ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເປັນປະທານກອງປະຊຸມຄົບຄະນະຄັ້ງທີ 7 ຂອງຄະນະລັດຖະບານຈີນ, ແລະໃນກອງປະຊຸມດັ່ງກ່າວໄດ້ພິຈາລະນາບົດລາຍງານຂອງອົງການປົກຄອງເຂດບໍລິຫານພິເສດຮົງກົງກ່ຽວກັບຜົນການເລືອກຕັ້ງຜູ້ວ່າການເຂດບໍລິຫານພິເສດຮົງກົງຊຸດທີ 5, ໂດຍທ່ານນາງແຄຣີແລມແຈງເຢັດງໍໄດ້ຮັບໄຊຊະນະໃນການເລືອກຕັ້ງ. ຈາກນີ້ຄະນະລັດຖະບານຈີນຈຶ່ງໄດ້ຕົກລົງແຕ່ງຕັ້ງທ່ານເປັນຜູ້ວ່າການເຂດພິເສດຮົງກົງ, ແລະຈະຂຶ້ນຮັບຕຳແໜ່ງໃນວັນທີ 1 ກໍລະກົດປີ 2017.
ພາຍຫຼັງເປັນເອກະພາບບັນຫາດັ່ງກ່າວ, ທ່ານຫຼີເຄີ້ສຽງ ນາຍົກລັດຖະມົນຕີຈີນກໍໄດ້ລົງນາມໃນລັດຖະດຳລັດເລກທີ 678 ວ່າດ້ວຍການແຕ່ງຕັ້ງທ່ານນາງ ແຄຣີແລມແຈງເຢັດງໍເປັນຜູ້ວ່າການເຂດພິເສດຮົງກົງຊຸດທີ 5.