ຕອນຄ່ຳວັນທີ 2 ເມສານີ້, ໃນກອງປະຊຸມຂ່າວທີ່ຈັດຂຶ້ນຢູ່ສຳນັກງານໃຫຍ່ພັກກ້າວໜ້າເຊິ່ງເປັນພັກກຳອຳນາດ, ທ່ານອາລິກຊານດາ ວູຊິກ ນາຍົກລັດຖະມົນຕີແຊັກບີ, ປະທານພັກກ້າວໜ້າ ກ່າວວ່າ, ທ່ານໄດ້ຮັບໄຊຊະນະໃນການເລືອກຕັ້ງປະທານາທິບໍດີ. ແຊັກບີໄດ້ຈັດການເລືອກຕັ້ງປະທານາທິບໍດີໃນວັນທີ 2 ເມສານີ້. ອີງຕາມຜົນການນັບບັດເບື້ອງຕົ້ນທີ່ຄະນະກຳມະການເລືອກຕັ້ງແຊັກບີປະກາດນັ້ນ, ໃນບັດເລືອກຕັ້ງ 56,56% ທີ່ໄດ້ສະຖິຕິແລ້ວນັ້ນ, ທ່ານວູຊີກໄດ້ຮັບບັດ 57,03%.
ໃນກອງປະຊຸມຂ່າວ, ທ່ານອາລິກຊານດາ ວູຊີກກ່າວວ່າ, ລັດຖະບານຊຸດໃໝ່ຈະສ້າງຕັ້ງຂຶ້ນພາຍໃນ 2 ເດືອນ, ໃນໄລຍະນີ້ທ່ານຍັງເປັນນາຍົກລັດຖະມົນຕີ. ທ່ານຍັງກ່າວວ່າ, ແຊັກບີຈະສືບຕໍ່ຍຶດໝັ້ນດຳເນີນການປະຕິຮູບ ແລະ ໂຈມຕີການສໍ້ລາດບັງຫຼວງ, ແລະສະແຫວງຫາເຂົ້າເປັນສະມາຊິກສະຫະພາບເອີລົບ, ພ້ອມທັງຮັກສາການພົວພັນໄມຕີຈິດກັບຣັດເຊຍ ແລະ ຈີນ.