ຕາມຂ່າວສານຈີນ: ເຈົ້າໜ້າທີ່ທຳນຽບຂາວທ່ານໜຶ່ງໄດ້ກ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 4 ເມສານີ້ວ່າ, ປະມຸກລັດຈີນແລະອາເມລິກາຈະແລກປ່ຽນຄວາມເຫັນໃນຫົວຂໍ້ບຸລິມະສິດໃນການພົບປະທີ່ຈະຈັດຂຶ້ນໃນອາທິດນີ້ ແລະວາງເສັ້ນທາງພັດທະນາສາຍພົວພັນລະຫວ່າງສອງປະເທດ.
ເຈົ້າໜ້າທີ່ທ່ານນີ້ກ່າວຕື່ມວ່າ, ນີ້ແມ່ນການພົບປະກັນເປັນຄັ້ງທຳອິດຂອງປະມຸກລັດສອງປະເທດ ແລະກໍເປັນການພົບປະບໍ່ເປັນທາງການທີ່ຢູ່ຫ່າງໄກນະຄອນຫຼວງວໍຊິງຕັນ ແລະໃນການພົບປະເປັນເວລາໜຶ່ງວັນ, ປະມຸກລັດທັງສອງຈະແລກປ່ຽນຄວາມເຫັນກ່ຽວກັບບັນຫາ ສປປ ເກົາຫຼີ, ບັນຫາການຄ້າ, ຄວາມໝັ້ນຄົງເທິງທະເລ ແລະອື່ນໆ.
ທ່ານກ່າວຕື່ມວ່າ, ການພົບປະຄັ້ງນີ້ຈະບໍ່ສາມາດແກ້ໄຂໄດ້ທຸກບັນຫາ, ແຕ່ສາມາດທົດລອງສ້າງຂອບການສົນທະນາເພື່ອແກ້ໄຂບັນຫາ ແລະຈະເຜີຍແຜ່ຖະແຫຼງການສະບັບໜຶ່ງຫຼັງການພົບປະຄັ້ງນີ້.