ກອງປະຊຸມເລຂາກອງປະຊຸມຄວາມໝັ້ນຄົງປະເທດສະມາຊິກອົງການຮ່ວມມືຊຽງໄຮຄັ້ງທີ 12 ໄດ້ຈັດຂຶ້ນຢູ່ນະຄອນຫຼວງອາສຕານາ ປະເທດກາຊັກສະຖານໃນວັນທີ 6 ເມສານີ້.
ທ່ານໂກ່ເຊິ່ງຄຸ່ນ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງປ້ອງກັນຄວາມສະຫງົບຈີນ ໄດ້ເຂົ້າຮ່ວມ ແລະກ່າວປາໄສວ່າ: ອົງການຮ່ວມມືຊຽງໄຮແມ່ນເວທີຮ່ວມມືຍຸດທະສາດຮອບດ້ານລະຫວ່າງປະເທດສະມາຊິກ ເຊິ່ງຈີນເວລາໃດກໍຍິນດີຮ່ວມກັບບັນດາປະເທດເພີ່ມທະວີການສະໜັບສະໜູນເຊິ່ງກັນແລະກັນດ້ານການເມືອງ, ສົ່ງເສີມຄວາມໄວ້ເນື້ອເຊື່ອໃຈກັນທາງຍຸດທະສາດ; ປັບປຸງພື້ນຖານການຮ່ວມມືດ້ານຄວາມໝັ້ນຄົງໃຫ້ສົມບູນຂຶ້ນຢ່າງບໍ່ຢຸດຢັ້ງ ທັງຕັ້ງໜ້າຊຸກຍູ້ການລົງນາມໃນ "ສົນທິສັນຍາຕ້ານລັດທິຫົວຮຸນແຮງອົງການຮ່ວມມືຊຽງໄຮ". ຂະນະດຽວກັນກໍສຸມໃສ່ຍົກປະສິດທິພາບການຮ່ວມມືດ້ານຄວາມໝັ້ນຄົງໃຫ້ສູງຂຶ້ນ, ຮ່ວມກັນປາບປາມ "ອິດທິກຳລັງ 3 ແງ່" ຢ່າງເດັດດ່ຽວ ແລະ ລົງເລິກການຮ່ວມມືດ້ານຄວາມໝັ້ນຄົງທາງອິນເຕີເນັດແລະການປາບປາມຢາເສບຕິດ ພ້ອມທັງສືບຕໍ່ເພີ່ມທະວີການສ້າງຕັ້ງອົງການຕ້ານລັດທິກໍ່ການຮ້າຍຂອງພາກພື້ນ, ຊຸກຍູ້ການປະສານງານແລະຮ່ວມມືລະຫວ່າງປະເທດສະມາຊິກ, ປົກປັກຮັກສາຄວາມໝັ້ນຄົງ, ສະຖຽນລະພາບ ແລະ ຄວາມຈະເລີນຮຸ່ງເຮືອງຂອງພາກພື້ນນີ້ຢ່າງແທ້ຈິງ.