ຕາມຂ່າວສານຊິນຮວາ: ໜ້າທີ່ທົດລອງຫຸ່ນຍົນໃຕ້ນ້ຳທະເລລະດັບ 3000 ແມັດ ເຊິ່ງແມ່ນຫ້ອງການກູ້ໄພທາງນ້ຳເມືອງແຢ່ນຖາຍຂອງກະຊວງຄົມມະນາຄົມຈີນຮັບຜິດຊອບນັ້ນ ໄດ້ສຳເລັດລົງຢ່າງຈົບງາມ ແລະນີ້ເປັນຂີດໝາຍສະແດງໃຫ້ເຫັນວ່າຈີນມີຄວາມສາມາດກູ້ໄພຢູ່ໃຕ້ນ້ຳເລິກ 3000 ແມັດໄດ້ຢ່າງມີປະສິດທິພາບ.
ການກະກຽມທົດລອງຕາມທະເລໄດ້ເລີ່ມຂຶ້ນຢ່າງເປັນທາງການໃນເດືອນມີນາປີນີ້ ແລະຜ່ານຈາກຄວາມພະຍາຍາມມາເປັນເວລາໜຶ່ງເດືອນ, ນັກວິຊາການໄດ້ສຳເລັດວຽກງານຕ່າງໆ ເຊັ່ນ: ການທົດລອງຢູ່ເທິງບົກ, ການກະກຽມອຸປະກອນ, ການປະກອບຢູ່ເທິງເຮືອ ແລະການທົດລອງລະບົບໂປຣແກຣມ.
ເວລາ 18 ໂມງ 30 ນາທີຂອງວັນທີ 8 ເມສາ, ຫຸ່ນຄົນໃຕ້ນ້ຳໄດ້ສຳເລັດທຸກວຽກງານຂອງການທົດລອງໃຕ້ນ້ຳແລ້ວຂຶ້ນມາສູ່ໜ້ານ້ຳ ແລະອອກຈາກທະເລໃນເວລາ 20 ໂມງ. ເຈົ້າໜ້າທີ່ຫ້ອງການປກູ້ໄພທາງນ້ຳແຢ່ນຖາຍເປີດເຜີຍວ່າ, ຫຸ່ນຍົນໃຕ້ນ້ຳຈະນຳໃຊ້ຢ່າງເປັນທາງການ ເຊິ່ງຈະເຮັດໃຫ້ຫ້ອງການຂອງຕົນມີຄວາມກ້າວໜ້າໃໝ່ໃນການຮັບໃຊ້ຍຸດທະສາດການສ້າງປະເທດຊາດໃຫ້ເປັນປະເທດເຂັ້ມແຂງດ້ານທະເລ ແລະຍົກລະດັບຄວາມສາມາດພັດທະນາໂຄງການໃຕ້ນ້ຳຕາມທະເລເລິກ.