ໂດຍຕອບສະໜອງຕາມຄຳເຊີນຂອງກະຊວງວຽກງານສາສະໜາແລະວັດທະນະທຳ ແລະ ກະຊວງການຕ່າງປະເທດມຽນມາ, ພະເຖລະ ເຊເຊິງ ປະທານ ສະມາຄົມຊາວພຸດຈີນ ໄດ້ເດີນທາງເຖິງນະຄອນຢາງກຸງໃນວັນທີ 8 ເມສານີ້ ເພື່ອຢ້ຽມຢາມປະເທດດັ່ງກ່າວຢ່າງເປັນທາງການເປັນເວລາ 4 ວັນ.
ຕອນເຊົ້າວັນທີ 9 ເມສານີ້, ຄະນະຜູ້ແທນ ໄດ້ຢ້ຽມຢາມທາດຄຳໃຫຍ່ໃນຢາງກຸງ, ຢ້ຽມຢາມພະເຖລະວັດພະນອນຈາວທັກກີທີ່ປັດຈຸບັນອາຍຸ 95 ປີ ທັງໄດ້ສົ່ງຮູບຈຳລອງແກ້ວທາດຄຳໃຫຍ່ທີ່ສະຖິດຢູ່ຂ້າງທາດບັນຈຸສາລີລິກະທາດວັດລິງກວ່າງນະຄອນຫຼວງປັກກິ່ງຫຼັງຢືມມາເປັນເວລາ 4 ເດືອນນັ້ນ ຄືນໃຫ້ພະເຖລະ.
ໃນໂອກາດຢ້ຽມຢາມ, ຄະນະຜູ້ແທນໄດ້ແລກປ່ຽນກັບບຸກຄົນໃນວົງການການເມືອງແລະສາສະໜາຂອງມຽນມາຢ່າງກວ້າງຂວາງ, ເລິກເຊິ່ງບົນພື້ນຖານນ້ຳໃຈໄມຕີຈິດມິດຕະພາບ. ນອກນີ້ ຍັງຈະເດີນທາງໄປສຳຫຼວດທາດຕ່າງໆທີ່ຖືກທຳລາຍໃນໄລຍະເກີດແຜ່ນດິນໄຫວຢູ່ປາກັນ ພ້ອມທັງບໍລິຈາດຊັບເພື່ອປະຕິສັງຂອນທາດດັ່ງກ່າວ.