ຕອນເຊົ້າວັນທີ 10 ເມສານີ້, ຢູ່ໂຮງຮຽນປະຖົມຊານເບີນາດີໂນທາງພາກໃຕ້ລັດກາລີຟໍເນຍສະຫະລັດອາເມລິກາໄດ້ເກີດເຫດຍິງຄົນ ສົ່ງຜົນເຮັດໃຫ້ຄູແລະນັກຮຽນຢ່າງໜ້ອຍ 3 ຄົນເສຍຊີວິດ ໃນນີ້ເປັນເດັກນັກຮຽນອາຍຸ 8 ປີໜຶ່ງຄົນ.
ທ່ານ ມາຍ ມັດເດັນ ໂຄສົກເຈົ້າໜ້າທີ່ຕຳຫຼວດຊານເບີນາດີໂນ ໄດ້ຢືນຢັນໃນການຖະແຫຼງຂ່າວວ່າ: ມືປືນແພດຊາຍຜູ້ໜຶ່ງໄດ້ເຂົ້າໄປຫ້ອງຮຽນໃນໂຮງຮຽນດັ່ງກ່າວແລະຍິງຄູຍິງຜູ້ໜຶ່ງເສຍຊີວິດແລະຈາກນັ້ນກໍຍິງໂຕຕາຍ. ປັດຈຸບັນ, ເຈົ້າໜ້າທີ່ຕຳຫຼວດທ້ອງຖິ່ນສັນນິຖານວ່າເຫດດັ່ງກ່າວອາດເປັນບັນຫາຂອງຄອບຄົວລະຫວ່າງມືປືນແລະຄູສອນ.
ປັດຈຸບັນ, ໄດ້ປິດໂຮງຮຽນດັ່ງກ່າວແລ້ວ. ຂະນະທີ່ນັກຮຽນຂອງໂຮງຮຽນດັ່ງກ່າວໄດ້ອົບພະຍົບໄປໂຮງຮຽນມັດທະຍົມປາຍຢູ່ອ້ອມຂ້າງແລະມະຫາວິທະຍາໄລແຫ່ງລັດກາລີຟໍເນຍສາຂາຊານເບີນາດີໂນແລະແຫ່ງອື່ນໆ ກໍໄດ້ມີຜູ້ປົກຄອງຈຳນວນຫຼາຍໄດ້ພາລູກເມືອເຮືອນ. ຫຼັງເກີດເຫດ, ໂຮງຮຽນຢູ່ອ້ອມຂ້າງສອງແຫ່ງກໍໄດ້ປິດການຮຽນການສອນຊົ່ວຄາວ.