ຫໍວາງສະແດງຫຸ່ນຂີ້ເຜິ້ງຄົນຊື່ດັງແຫ່ງທຳອິດຂອງຫວຽດນາມຢູ່ເມືອງໂຮ່ຈີມິງ ພາກໃຕ້ປະເທດດັ່ງກ່າວໄດ້ເປີດໃຫ້ເຂົ້າຊົມຢ່າງເປັນທາງການໃນວັນທີ 11 ເມສານີ້ໂດຍຫໍດັ່ງກ່າວທີ່ມີເນື້ອທີ່ 1500 ກວ່າຕາແມັດ ໄດ້ນຳເອົາຫຸ່ນຂີ້ເຜິ້ງຄົນຊື່ດັງຂອງຫວຽດນາມທັງໃນໄລຍະຜ່ານມາແລະປັດຈຸບັນ 100 ກວ່າທ່ານມາວາງສະແດງ ແລະຄົນເຫຼົ່ານີ້ລ້ວນແຕ່ໄດ້ ປະກອບສ່ວນຢ່າງໂດດເດັ່ນໃນຂົງເຂດສິລະປະເຊັ່ນດົນຕີ,ຮູບເງົາແລະອື່ນໆຂອງຫວຽດນາມ.
ນອກຈາກຫຸ່ນຂີ້ເຜິ້ງແລ້ວ, ຫໍດັ່ງກ່າວຍັງມີໜຶ່ງຫ້ອງເພື່ອວາງສະແດງຮູບພາບຊີວິດປະຈຳວັນແລະການສະແດງຂອງບຸກຄົນຊື່ດັງທີ່ຖ່າຍໂດຍນັກຂ່າວຫວຽດນາມ.
ແຕ່ລະມື້ຫໍວາງສະແດງຫຸ່ນຂີ້ເຜິ້ງໄດ້ເປີດໃຫ້ເຂົ້າຊົມແຕ່ເວລາ 9 ໂມງຫາ20 ໂມງ 30 ນາທີໂດຍລາຄາປີ້ເຂົ້າຊົມ 1 ແສນດົງ. ຂ່າວແຈ້ງວ່າ: ລາຍຮັບຈາກການຂາຍປີ້ທັງໝົດຈະໃຊ້ເຂົ້າໃນການດຳເນີນທຸລະກິດຂອງຫໍດັ່ງກ່າວແລະວຽກງານການກຸສົນເພື່ອຊ່ວຍເຫຼືອສິລະປິນທີ່ທຸກຍາກ.