ສະມາຄົມ "ໜຶ່ງແລວທາງໜຶ່ງເສັ້ນທາງ" ທົ່ວປະເທດບຸນກາຣີໄດ້ສ້າງຕັ້ງຂຶ້ນຢູ່ນະຄອນ ຫຼວງໂຊເຟຍປະເທດດັ່ງກ່າວໃນວັນທີ 11 ເມສານີ້, ເພື່ອເພີ່ມທະວີການຮ່ວມມືກັບຈີນໃນການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ຕື່ມອີກ.
ທ່ານຈ່າງໄຫໂຈ່ວ, ເອກອັກຄະລັດຖະທູດຈີນປະຈຳບຸນກາຣີກ່າວໃນພິທີດັ່ງກ່າວວ່າ, ປະເທດເອີລົບກາງແລະຕາເວັນອອກແມ່ນໜຶ່ງໃນທິດທາງບູລິມະສິດໃນການຮ່ວມມື "ໜຶ່ງແລວທາງໜຶ່ງເສັ້ນທາງ" ຂອງຈີນ. ຂະນະທີ່ເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ຈະຈັດຂຶ້ນຢູ່ປັກກິ່ງໃນເດືອນໜ້ານັ້ນນັບວ່າເປັນໂອກາດດີທີ່ບຸນກາຣີສ້າງຕັ້ງສະມາຄົມ "ໜຶ່ງແລວທາງໜຶ່ງເສັ້ນທາງ" ທົ່ວປະເທດ.
ທ່ານອັນເຈີ ໂອເບັດຊົຟ ຫົວໜ້າກົມອາຊີປາຊີຟິກກະຊວງການຕ່າງປະເທດບຸນກາຣີກ່າວໃນພິທີດັ່ງກ່າວວ່າ, ສະມາຄົມ "ໜຶ່ງແລວທາງໜຶ່ງເສັ້ນທາງ" ຈະກາຍເປັນເວທີຊຸກຍູ້ສົ່ງເສີມສາຍພົວພັນລະຫວ່າງສອງປະເທດໄລຍະຍາວແລະມີປະສິດທິພາບສູງ, ທັງຈະເສີມຂະຫຍາຍບົດບາດສຳຄັນໃນການຊຸກຍູ້ພາກລັດແລະປະຊາຊົນຂອງປະເທດຕົນຊອກຮູ້ແລະເຂົ້າຮ່ວມຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຢ່າງຮອບດ້ານ.
 |
