ວັນທີ 13 ເມສານີ້, ເຈົ້າໜ້າທີ່ເມືອງນານນິງເຂດປົກຄອງຕົນເອງເຜົ່າຈວ້າງກວາງຊີຈີນໄດ້ໃຫ້ຮູ້ວ່າ: ໃນຖານະເປັນປ້ອມດ່ານໜ້າແລະເມືອງສຳຄັນຂອງຈີນທີ່ອວ່າຍໜ້າໄປສູ່ອາຊຽນທັງໃນການເປີດປະຕູແລະການຮ່ວມມືນັ້ນ, ເມືອງຂອງຕົນຈະສ້າງສູນການຄ້າເອເລັກໂຕຣນິກຂ້າມຊາດຈີນ-ອາຊຽນ ເພື່ອເປັນທາງຜ່ານໃໝ່ສຳລັບການຄ້າຈີນ-ອາຊຽນໂດຍຜ່ານຊ່ອງທາງການຄ້າເອເລັກໂຕຣນິກ.
ໄປພ້ອມກັບການວາງແຜນກໍ່ສ້າງເຂດຄຸ້ມຄອງພາສີລວມນານນິງນັ້ນ, ກໍຈະກໍ່ສ້າງແລະປັບປຸງເຂດນິຄົມການຄ້າເອເລັກໂຕຣນິກຂ້າມຊາດຈີນ-ອາຊຽນໃຫ້ດີຂຶ້ນທັງເລັ່ງຊຸກຍູ້ການພັດທະນາຂະແໜງການການຄ້າເອເລັກໂຕຣນິກຂ້າມຊາດ.
ເຈົ້າໜ້າທີ່ເມືອງນານນິງຍັງໃຫ້ຮູ້ອີກວ່າ: ເມືອງຂອງຕົນຫຼັງໄດ້ສ້າງຕັ້ງສູນຂໍ້ມູນຂ່າວສານຈີນ-ອາຊຽນແລ້ວ, ຍັງຈະສ້າງບ້ານການຄ້າເອເລັກໂຕຣນິກເຂດພັດທະນາໃໝ່ອູຊ້ຽງ;ສະໜັບສະໜູນການສ້າງເຂດການຄ້າໃນສະໜາມບິນອູຊູ່ ລວມທັງປັບປຸງມາດຖານການນຳເຂົ້າສັດໃນນ້ຳ, ດ່ານນຳເຂົ້າໝາກໄມ້ແລະຮ້ານສິນຄ້າປອດພາສີ; ສ້າງສູນການຄ້າຂ້າມຊາດຢູ່ເຂດຊິ່ງຊີ້ວຊ່ານທີ່ເປັນເຂດສຳຄັນຂອງເມືອງ.