ນາງບຣິກິຕາ ປີນີ້ອາຍຸ 55 ປີ ເປັນຜູ້ຂັບລົດຕັກຊີທຳມະດາຜູ້ໜຶ່ງຂອງເມືອງເດຣສດັນ ປະເທດເຢຍລະມັນ. ຕາມປົກກະຕິ ນາງຮັບຜິດຊອບຂັບລົດຍາມກາງຄືນ, ສ່ວນກາງເວັນນາງຈະນຳໃຊ້ເວລາວ່າງໂຄສະນາເຜີຍແຜ່ຂໍ້ລິເລີ່ມຂອງຈີນຄື "ແລວທາງເສດຖະກິດເສັ້ນທາງສາຍໄໝແລະເສັ້ນທາງສາຍໄໝທາງທະເລໃນສະຕະວັດທີ 21" ຫຼື "ໜຶ່ງແລວທາງໜຶ່ງເສັ້ນທາງ". ເມື່ອມີຄົນຖາມນາງວ່າເປັນຫຍັງຈິ່ງຊ່ວຍໂຄສະນາເຜີຍແຜ່ຂໍ້ລິເລີ່ມດັ່ງກ່າວ, ນາງບອກວ່າ: ຂໍ້ລິເລີ່ມນີ້ໄດ້ສ້າງຄວາມອາດເປັນໄປໄດ້ອັນໃໝ່ໃຫ້ແກ່ອະນາຄົດຂອງມວນມະນຸດ, ສ່ວນສື່ມວນຊົນເຢຍລະມັນລາຍງານຂໍ້ລິເລີ່ມດັ່ງກ່າວບໍ່ຫຼາຍປານໃດ ຈິ່ງເຮັດໃຫ້ການເຄື່ອນໄຫວໂຄສະນາເຜີຍແຜ່ຂອງຕົນມີຄວາມຈຳເປັນທີ່ສຸດ.
