ຕາມຂ່າວສານຈີນ: ເຈົ້າໜ້າທີ່ທະຫານຟິລິບປິນເປີດເຜີຍໃນວັນທີ 16 ເມສານີ້ວ່າປະເທດຕົນ ແລະອາເມລິກາຈະຈັດການຝຶກຊ້ອມຮ່ວມປະຈຳປີທີ່ຊື່ວ່າ "ຄຽງບ່າຄຽງໄຫຼ່" ໃນເດືອນພຶດສະພາ. ຄາດວ່າການຝຶກຊ້ອມຮ່ວມຄັ້ງນີ້ຈະດຳເນີນເປັນເວລາ 10 ວັນ, ສຸມໃສ່ການຕໍ່ຕ້ານລັດທິກໍ່ການຮ້າຍ,ການກູ້ໄພ, ການຊ່ວຍເຫຼືອດ້ານມະນຸດສະທຳ ແລະໂຄງການອື່ນໆ, "ຈະບໍ່ມີການຊ້ອມຮົບດ້ວຍລູກປືນແທ້ອີກ".
ເຈົ້າໜ້າທີ່ຄະນະກຳມະການສັນຍາກອງທະຫານຢ້ຽມຢາມຂອງປະທານາທິບໍດີຟິລິບປິນເປີດເຜີຍໃນຫວ່າງມໍ່ໆນີ້ວ່າການຊ້ອມຮົບ "ຄຽງບ່າຄຽງໄຫຼ່" ລະຫວ່າງປະເທດຕົນແລະອາເມລິກາໃນປີນີ້ໄດ້ຍົກເລີກການຊ້ອມຮົບທາງການທະຫານ, ນາຍແລະພົນທະຫານອາເມລິກາທີ່ເຂົ້າຮ່ວມຈະຖືກຈຳກັດໃຫ້ເຄື່ອນໄຫວຢູ່ຄ້າຍທະຫານຢ່າງເຂັ້ມງວດເພື່ອຫຼີກເວັ້ນບໍ່ໃຫ້ເກີດເຫດການລ່ວງລ້ຳປະຊາຊົນທ້ອງຖິ່ນ, "ເວລາທະຫານອາເມລິກາໄດ້ຮັບອະນຸຍາດໄປເຂົ້າຮ່ວມການເຄື່ອນໄຫວຢູ່ນອກກໍຕ້ອງມີນາຍແລະພົນທະຫານຟິລິບປິນໄປນຳ."
ທ່ານປະທານາທິບໍດີໂຣດຣິໂກ ດູເຕິເຕໄດ້ກ່າວຢ່າງເປີດເຜີຍຫຼາຍເທື່ອຫຼັງຂຶ້ນດຳລົງຕຳແໜ່ງວ່າຈະຍົກເລີກການຊ້ອມຮົບຮ່ວມລະຫວ່າງປະເທດຕົນແລະອາເມລິກາ ແລະຮຽກຮ້ອງໃຫ້ກອງທະຫານອາເມລິກາຖອນອອກຈາກປະເທດຕົນທັງໝົດ.
 |
