ພິທີສ້າງຕັ້ງສູນບໍລິການກໍ່ສ້າງພື້ນຖານໂຄງລ່າງທະນາຄານກໍ່ສ້າງຈີນ,ສູນທະນາຄານເອກະຊົນແລະທະນາຄານກໍ່ສ້າງຈີນສາກົນປະຈຳສິງກະໂປໄດ້ຈັດຂຶ້ນຢ່າງເປັນທາງການ ໃນວັນທີ 18 ເມສານີ້ ໂດຍທ່ານຫວາງຈູຈີ້ ຜູ້ວ່າການທະນາຄານກໍ່ສ້າງຈີນ,ທ່ານຝາງຊິນເວີນ ອຸປະທູດຊົ່ວຄາວຂອງຈີນປະຈຳສິງກະໂປ, ທ່ານອຶງຈີແມງ ລັດຖະມົນຕີກະຊວງສຶກສາທິການທັງເປັນລັດຖະມົນຕີຜູ້ທີສອງຂອງກະຊວງຄົມມະນາຄົມສິງກະໂປເຂົ້າຮ່ວມ.
ທ່ານ ອຶງຈີແມງ ລັດຖະມົນຕີກະຊວງສຶກສາທິການສິງກະໂປໄດ້ຢືນຢັນເຖິງຊື່ສຽງອິດທິພົນໃນສາກົນຂອງທະນາຄານກໍ່ສ້າງຈີນ ທັງຫວັງວ່າ ສູນບໍລິການກໍ່ສ້າງພື້ນຖານໂຄງລ່າງທະນາຄານກໍ່ສ້າງຈີນຈະສົ່ງເສີມວິສາຫະກິດຈີນດຳເນີນໂຄງການຕາມຍຸດທະສາດ "ໜຶ່ງແລວທາງໜຶ່ງເສັ້ນທາງ"ໃນພາກພື້ນເພື່ອລະດົມທຶນຂ້າມຊາດ ທັງເພີ່ມທະວີສົ່ງເສີມການບໍລິການການທະນາຄານຂ້າມຊາດລະຫວ່າງສິງກະໂປກັບຈີນ ແລະຢືນຢັນວ່າ ບໍລິສັດຈີນສາມາດຮ່ວມມືກັບບໍລິສັດ,ສະຖາບັນການເງິນພ້ອມດ້ວຍອົງການພັດທະນາວິສາຫະກິດສາກົນສິງກະໂປແລະອົງການຈັດຕັ້ງຂອງລັດອື່ນໆເພື່ອຮ່ວມກັນຊຸກຍູ້ການປະຕິບັດຍຸດທະສາດ "ໜຶ່ງແລວທາງໜຶ່ງເສັ້ນທາງ"ຂອງຈີນ.
 |
