ຈັດໂຄງການເກັບກຳຂ່າວຮ່ວມ ຈີນ-ອາຊຽນຮ່ວມສ້າງເສັ້ນທາງສາຍໄໝທາງທະເລສະຕະວັດທີ 21 ເທື່ອທີ 3

ໂຄງການເກັບກຳຂ່າວຮ່ວມຈີນ-ອາຊຽນຮ່ວມສ້າງເສັ້ນທາງສາຍໄໝທາງທະເລໃນສະຕະວັດທີ 21 ເທື່ອທີ 3 ໄດ້ເລີ່ມຈັດຕັ້ງຢູ່ເມືອງສາງຊ່າ ແຂວງຫູນານ ສປ ຈີນໃນວັນທີ 18 ເມສານີ້.

ເນື່ອງຈາກ ປີ 2017 ເປັນປີຄົບຮອບ 50 ປີແຫ່ງການສ້າງຕັ້ງອາຊຽນແລະປີຮ່ວມມືທ່ອງທ່ຽວຈີນ-ອາຊຽນ, ສູນຈີນ-ອາຊຽນແລະຫ້ອງການຖະແຫຼງຂ່າວລັດຖະບານຈີນໄດ້ເປັນເຈົ້າພາບຮ່ວມໂດຍເຊີນນັກຂ່າວ 20 ຄົນຈາກສື່ມວນຊົນ 17 ສຳນັກຂອງ 10 ປະເທດອາຊຽນເດີນທາງເກັບກຳຂ່າວຢູ່ແຂວງຫູນານແລະແຂວງຈ່ຽງຊີຕາມໂຄງການເກັບກຳຂ່າວຮ່ວມຈີນ-ອາຊຽນຮ່ວມສ້າງເສັ້ນທາງສາຍໄໝທາງທະເລໃນສະຕະວັດທີ 21 ເທື່ອທີ 3 ໂດຍເນັ້ນທັດສະນະສຶກສາແລະເກັບກຳສະພາບການຮ່ວມມືລະຫວ່າງຈີນ-ອາຊຽນໃນຂົງເຂດການຄ້າ,ການລົງທຶນ,ການສຶກສາ, ວັດທະນະທຳ,ທ່ອງທ່ຽວ,ສື່ມວນຊົນແລະຂົງເຂດອື່ນໆ ທັງລາຍງານ ຜົນສຳເລັດການຮ່ວມສ້າງເສັ້ນທາງສາຍໄໝທາງທະເລສະຕະວັດທີ 21 ຂອງສອງຝ່າຍແລະອະນາຄົດອັນສົດໃສຂອງການຮ່ວມມືສອງຝ່າຍ. ໂຄງການດັ່ງກ່າວເນັ້ນສົ່ງເສີມມິດຕະພາບ,ການແລກປ່ຽນແລະຮ່ວມມືລະຫວ່າງຈີນ-ອາຊຽນແລະເພີ່ມຄວາມເຂົ້າໃຈກັນພົບນ້ຳໃຈມິດຕະພາບລະຫວ່າງປະຊາຊົນສອງຝ່າຍ.