ຄົນໄທທີ່ຊື່ສຽງເຊື້ອສາຍຢຸນນານຈີນຈາກພາກເໜືອປະເທດໄທ 20 ກວ່າທ່ານໄດ້ເດີນທາງເຖິງເມືອງຄຸນມິງແຂວງຢຸນນານ ສປ ຈີນໃນວັນທີ 18 ເມສານີ້ເພື່ອຢ້ຽມຢາມແຂວງດັ່ງກ່າວເປັນເວລາ 1 ອາທິດ ເຊິ່ງບຸກຄົນເຫຼົ່ານີ້ໄດ້ຢ້ຽມຢາມຫໍພິພິທະພັນວິທະຍາຄານກອງທັບບົກຢຸນນານຢູ່ເມືອງຄຸນມິງເປັນບ່ອນທຳອິດເພື່ອຫວນຄືນປະຫວັດສາດທີ່ຍິ່ງໃຫຍ່ແລະມີກຽດສະຫງ່າໃນສະໄໝສົງຄາມ.
ທ່ານຈ້າວເຕີສົງ ຮອງຫົວໜ້າສະມາຄົມຢຸນນານຊຽງຣາຍໄດ້ຖ່າຍຮູບຮ່ວມກັບຫຸ່ນຄົນທີ່ມີຊື່ສຽງໂດ່ງດັງໃນຫໍພິພິທະພັນແລະບອກດ້ວຍຄວາມພູມໃຈວ່າ ຫຼັງຢ້ຽມຢາມວິທະຍາຄານແຫ່ງນີ້ແລະຮຽນຮູ້ປະຫວັດສາດກໍສາມາດເຫັນໄດ້ ຖານະບົດບາດພິເສດຂອງແຂວງຢຸນນານໃນປະຫວັດສາດຈີນສະໄໝໃໝ່ແລະສະໄໝປັດຈຸບັນ ແລະຮູ້ສຶກພາກພູມໃຈຫຼາຍໃນນາມເປັນຄົນເຊື້ອສາຍຢຸນນານ.
ຕາມຂ່າວແຈ້ງວ່າ: ຄະນະຄົນໄທເຊື້ອສາຍຢຸນນານຈີນທີ່ມີຊື່ສຽງດັ່ງກ່າວຍັງຈະເດີນທາງໄປເມືອງຕ້າຫຼີ,ເມືອງປາວຊ່ານເພື່ອສຳຜັດກັບການປ່ຽນແປງໃໝ່ທີ່ກ້າວໜ້າຂອງບ້ານເກີດເມືອງນອນຕົນ.
 |
