ວັນທີ 19 ເມສານີ້ຢູ່ນະຄອນຫຼວງປັກກິ່ງ, ທ່ານຢາງເຈສື ທີ່ປຶກສາແຫ່ງລັດຈີນແລະທ່ານນາງເຟເດຣິຄາ ໂມເກຣິນີ ຜູ້ຕາງໜ້າຂັ້ນສູງດ້ານນະໂຍບາຍການຕ່າງປະເທດແລະຄວາມໝັ້ນຄົງສະຫະພາບເອີຣົບໄດ້ເປັນປະທານຮ່ວມໃນການເຈລະຈາຍຸດທະສາດລະດັບສູງຈີນ-ສະຫະພາບເອີຣົບຄັ້ງທີ 7ແລະຫຼັງເຈລະຈາ, ສອງຝ່າຍກໍໄດ້ຮ່ວມກັນຖະແຫຼງຂ່າວໂດຍທ່ານຢາງເຈສືໄດ້ຊີ້ແຈງຫຼັກໝັ້ນຂອງຈີນກ່ຽວກັບບັນຫາຊີຣີ.
ທ່ານຢາງເຈສືຢືນຢັນວ່າ: ຈີນຄັດຄ້ານທຸກການກະທຳຜິດກົດໝາຍ ທີ່ນຳໃຊ້ອາວຸດເຄມີນັ້ນຢ່າງເດັດດ່ຽວ ແລະເຫັນວ່າ ການແກ້ໄຂບັນຫາຊີຣີທາງການເມືອງຍັງຄົງແມ່ນຫົນທາງດຽວທີ່ຖືກຕ້ອງ,ຂະນະດຽວກັນ,ຈີນກໍມີຈຸດຢືນຄືການແກ້ໄຂບັນຫາຊີຣີຄວນປະຕິບັດຕາມຫຼັກການຊາວຊີຣີເປັນຜູ້ນຳພາແລະໃຫ້ປະຊາຊົນຊີຣີເປັນເຈົ້າໃນການເລືອກວິທີແກ້ໄຂ. ທັງຈີນແລະສະຫະພາບເອີຣົບກໍລ້ວນແຕ່ເຫັນວ່າ ຄວນຊຸກຍູ້ການເຈລະຈາສັນຕິພາບທາງການເມືອງ, ຊ່ວຍເຫຼືອແບບມະນຸດສະທຳ,ສ້າງສາພັດທະນາຄືນໃໝ່,ປົກປັກຮັກສາພື້ນຖານໂຄງລ່າງຂອງຊີຣີ,ຮ່ວມແຮງຮ່ວມໃຈກັນຕໍ່ຕ້ານລັດທິກໍ່ການຮ້າຍທັງປະຕິບັດມະຕິທີ່ກ່ຽວຂ້ອງຂອງສະພາຄວາມໝັ້ນຄົງອົງການສະຫະປະຊາຊາດ.
 |
