ໃນການສຳມະນາການສົ່ງອອກຜະລິດຕະພັນກະສິກຳມາເລເຊຍໄປຈີນ2017ທີ່ຈັດຂຶ້ນຢູ່ນະຄອນຫຼວງກົວລາລຳເປີປະເທດມາເລເຊຍກ່ອນໜ້ານີ້ບໍ່ດົນໂດຍມີຫຼາຍບໍລິສັດກະສິກຳແລະບໍລິສັດປູກໄມ້ກິນໝາກມາເລເຊຍເຂົ້າຮ່ວມ ແລະບໍລິສັດເຫຼົ່ານີ້ກໍຫວັງວ່າຈີນຈະເປີດກວ້າງການນຳເຂົ້າຜະລິດຕະພັນກະສິກຳແລະໝາກໄມ້ເຂົ້າຕະຫຼາດຈີນໃຫ້ຫຼາຍກວ່າເກົ່າ.
ທ່ານສີຈິ່ງອ່ານ ປະທານກຸ່ມບໍລິສັດກວດກາແລະພິສູດຈີນກ່າວວ່າ: ໝາກໄມ້ເຂດຮ້ອນ,ກາເຟ,ຮັງນົກແອ່ນແລະຜະລິດຕະພັນກະສິກຳອື່ນໆຂອງມາເລເຊຍໄດ້ຮັບຄວາມນິຍົມສູງຈາກຜູ້ບໍລິໂພກຈີນ, ຈາກນີ້ຈິ່ງຈະນຳໃຊ້ທ່າແຮງຂອງຕົນ,ຫຼຸດເວລາກວດກາແລະຕົ້ນທຶນຂອງບໍລິສັດໃຫ້ດີກວ່າເກົ່າ ທັງປະກອບສ່ວນຊຸກຍູ້ມູນຄ່າການຄ້າລະຫວ່າງຈີນ-ມາເລເຊຍໃຫ້ເຕີບໂຕຂຶ້ນຢ່າງຕໍ່ເນື່ອງ.
ທ່ານຮາຟິຈູລາ ມາຈີດີ ປະທານສະມາຄົມມິດຕະພາບມາເລເຊຍ-ຈີນກ່າວວ່າ, ເຖິງວ່າມູນຄ່າການຄ້າລະຫວ່າງສອງປະເທດຢູ່ໃນລະດັບ 100 ຕື້ໂດລາສະຫະລັດເປັນເວລາຫຼາຍປີກໍຕາມ, ແຕ່ຜະລິດຕະພັນກະສິກຳສຳຮອງຍັງກວມອັດຕາສ່ວນບໍ່ຫຼາຍປານໃດ. ດ້ວຍເຫດນີ້, ຜະລິດຕະພັນຂອງມາເລເຊຍທີ່ຈະສົ່ງອອກໄປຈີນກໍຈະເກີດຊ່ອງຫວ່າງຫຼາຍຂຶ້ນ.