ຄະນະຜູ້ແທນຊາວໜຸ່ມຈີນ-ອິນໂດເນເຊຍທີ່ປະກອບດ້ວຍນັກສຶກສາປະເທດລະ 20 ຄົນນັ້ນໄດ້ເຂົ້າພົບເຈົ້າໜ້າທີ່ການທູດຢູ່ສະຖານທູດຈີນປະຈຳອິນໂດເນເຊຍໃນຕອນຄ່ຳວັນທີ 20 ເມສານີ້ໂດຍໄດ້ລາຍງານຜົນສຳເລັດແລະຄວາມຮູ້ສຶກຫຼັງໄດ້ແລກປ່ຽນບົດຮຽນແລະທັດສະນະສຶກສາຢູ່ແຂວງຟູຈ້ຽນ ສປ ຈີນຕະຫຼອດ 9 ວັນຜ່ານມາ ທັງຊີ້ໃຫ້ເຫັນຄວາມຄາດຫວັງຕໍ່ການເຄື່ອນໄຫວແລກປ່ຽນຢູ່ອິນໂດເນເຊຍໃນ 9 ວັນຕໍ່ໜ້າ.
ທ່ານເຊ້ເຟິ່ງ ເອກອັກຄະລັດຖະທູດຈີນປະຈຳອິນໂດເນເຊຍໄດ້ຊົມເຊີຍກິດຈະກຳຄັ້ງນີ້ວ່າເປັນການສືບທອດປະຫວັດສາດມິດຕະພາບຈີນ-ອິນໂດເນເຊຍ ທັງເປັນການບຸກເບີກອະນາຄົດແຫ່ງການແລກປ່ຽນຮ່ວມມືລະຫວ່າງສອງປະເທດອີກດ້ວຍ. ໃນໄລຍະຢ້ຽມຢາມອິນໂດເນເຊຍ, ນັກສຶກສາທັງສອງປະເທດຈະເດີນທາງໄປທັດສະນະສຶກສາແລະແລກປ່ຽນບົດຮຽນຢູ່ນະຄອນຫຼວງຈາກາຕາ,ເມືອງບັນດຸງ,ເມືອງໂຢຢາຄາຕາແລະເມືອງເດັນປາຊາ.