ວັນທີ 20 ເມສານີ້, ທ່ານ ກິມໂຢງ ຜູ້ວ່າການທະນາຄານໂລກກ່າວຂະນະຍົກບັນຫາການສ້າງ "ໜຶ່ງແລວທາງໜຶ່ງເສັ້ນທາງ" ວ່າ: ໂຄງການດັ່ງກ່າວມີຄວາມສຳຄັນຫຼາຍທັງຕໍ່ຈີນແລະທະນາຄານໂລກ. ປັດຈຸບັນ, ຈີນໄດ້ເສີມຂະຫຍາຍບົດບາດທີ່ບໍ່ເຄີຍມີມາກ່ອນໃນປະຫວັດສາດຕໍ່ການພັດທະນາຂອງໂລກ. ໂດຍການສຸມໃສ່ພັດທະນາມາໂດຍຕະຫຼອດ ພ້ອມທັງພະຍາຍາມຊຸກຍູ້ການພັດທະນາຂອງປະເທດອ້ອມຂ້າງ,ປະເທດຢູ່ຕາມ "ໜຶ່ງແລວທາງໜຶ່ງເສັ້ນທາງ"ແລະປະເທດຕ່າງໆໃນໂລກ.
ໃນມື້ດຽວກັນ, ທ່ານ ກິມໂຢງ ໄດ້ໃຫ້ທັດສະນະດັ່ງກ່າວໃນການຖະແຫຼງຂ່າວຫຼັງອົງການກອງທຶນເງິນຕາສາກົນຫຼື IMF ແລະ ທະນາຄານໂລກ.ຈັດກອງປະຊຸມປະຈຳປີ 2017 ໂດຍທ່ານໄດ້ກ່າວເຖິງໂລກາພິວັດແລະການຄ້າເສລີວ່າ: ທັງສອງດ້ານນີ້ລ້ວນແຕ່ມີຜົນດີຕໍ່ການລົບລ້າງຄວາມທຸກຍາກ, ຂະນະດຽວກັນກໍ່ແມ່ນສ່ວນປະກອບສຳຄັນຕໍ່ການເຕີບໂຕຂອງເສດຖະກິດໂລກ.ແນວໃດກໍດີຂໍຮຽກຮ້ອງໃຫ້ປະເທດຕ່າງໆໃນໂລກສ້າງສະພາບແວດລ້ອມການຄ້າຢ່າງເສລີແລະເປີດປະຕູ ພ້ອມທັງພິຈາລະນາຍາດເອົາໂອກາດແຂ່ງຂັນທາງເສດຖະກິດຂອງໂລກ.