ວັນທີ 20 ເມສານີ້ ຢູ່ທຳນຽບຈົ່ງນານໄຫນະຄອນຫຼວງປັກກິ່ງ, ທ່ານ ຢາງເຈສື້ ທີ່ປຶກສາແຫ່ງລັດຈີນໄດ້ຕ້ອນຮັບທ່ານ ຮິສຮຳມຸດດິນ ຮຸສເຊັນ ລັດຖະມົນຕີກະຊວງປ້ອງກັນປະເທດທັງເປັນລັດຖະມົນຕີວຽກງານພິເສດຂອງສຳນັກນາຍົກລັດຖະມົນຕີມາເລເຊຍ.
ທ່ານ ຢາງເຈສື້ ກ່າວວ່າ: ປັດຈຸບັນ, ການພົວພັນລະຫວ່າງຈີນ-ມາເລເຊຍມີທ່າອ່ຽງພັດທະນາໄປໃນທາງທີ່ດີ. ການພົວພັນລະຫວ່າງການນຳຂັ້ນສູງຂອງສອງປະເທດນັບມື້ແໜ້ນແຟ້ນຂຶ້ນຕື່ມ, ການຮ່ວມມືທີ່ເປັນຮູບປະທຳໄດ້ ຂະຫຍາຍຕົວເຂົ້າສູ່ລວງເລິກຢ່າງບໍ່ຢຸດຢັ້ງ. ໃນຕໍ່ໜ້າຈີນຍິນດີເພີ່ມທະວີການພັດທະນາການເຊື່ອມຕໍ່ທາງຍຸດທະສາດລະຫວ່າງສອງຝ່າຍພາຍໃຕ້ຂອບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແລະເຊື່ອໝັ້ນວ່າຈາກຄວາມພະຍາຍາມຂອງສອງຝ່າຍ, ສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດຈະໄດ້ຮັບຄວາມຄືບໜ້າໃຫຍ່ຫຼວງກວ່າເກົ່າ.
ທ່ານ ຮິສຮຳມຸດດິນ ກ່າວວ່າ: ມາເລເຊຍໃຫ້ຄວາມສຳຄັນສູງຕໍ່ການພົວພັນກັບຈີນ ໂດຍໄດ້ຕັ້ງໜ້າສະໜັບສະໜູນຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທັງຍິນດີຮ່ວມມືກັບຈີນສົ່ງເສີມສາຍພົວພັນທີ່ມີໄມຕີຈິດມິດຕະພາບລະຫວ່າງສອງຝ່າຍຢ່າງບໍ່ຢຸດຢັ້ງ.
 |
