ວັນທີ 21 ເມສານີ້, ຢູ່ນະຄອນຫຼວງອາສຕານາ ປະເທດກາຊັກສະຖານ, ທ່ານເນີຊູວຕັນ ອາບີເຊວິສ໌ ນາຊາບາເຢຟ ປະທານາທິບໍດີກາຊັກສະຖານໄດ້ຕ້ອນຮັບການເຂົ້າຢ້ຽມຄຳນັບຂອງທ່ານວາງຢີ້ ລັດຖະມົນຕີກະຊວງການຕ່າງປະເທດຈີນໂອກາດເດີນທາງຢ້ຽມຢາມກາຊັກສະຖານຢ່າງເປັນທາງການແລະເຂົ້າຮ່ວມກອງປະຊຸມລັດຖະມົນຕີການຕ່າງປະເທດອົງການການຮ່ວມມືຊຽງໄຮ.
ທ່ານນາຊາບາເຢຟກ່າວວ່າ, ການພົນພັນລະຫ່າງກາຊັກສະຖານ-ຈີນແມ່ນການພົວພັນຄູ່ຍຸດທະສາດຮອບດ້ານອັນພິເສດ, ໄດ້ສ້າງແບບຢ່າງໃຫ້ການພົວພັນລະຫວ່າງປະເທດກັບປະເທດ. ຂ້າພະເຈົ້າຍິນດີເຂົ້າຮ່ວມເວທີເປິກສາຫາລືສຸດຍອດການຮ່ວມມືສາກົນ " ໜຶ່ງແນວທາງໜຶ່ງເສັ້ນທາງ" ທີ່ຈະຈັດຂຶ້ນຢູ່ປັກກິ່ງໃນເດືອນໜ້າ. ຂ້າພະເຂົ້າກໍ່ຍິນດີເຊີນທ່ານສີຈີ້ນພິງ ປະທານປະເທດຈີນມາກາຊັກສະຖານເພື່ອເຂົ້າຮ່ວມກອງປະຊຸມສຸດຍອດອາສຕານາອົງການການຮ່ວມມືຊຽງໄຮແລະຢ້ຽມຢາມກາຊັກສະຖານທາງລັດຖະກິດໃນເດືອນມີຖຸນາປີນີ້. ແນວໃດກໍດີ, ກາຊັກສະຖານວາງຂໍ້ລິເລີ່ມ " ໜຶ່ງແນວທາງໜຶ່ງເສັ້ນທາງ" ໃນບ່ອນໃຈກາງແລະ ຍິນດີຊຸກຍູ້ສັນຕິພາບ, ຄວາມໝັ້ນຄົງແລະຄວາມຈະເລີນຮຸ່ງເຮືອງຂອງສອງປະເທດແລະພາກພື້ນໂດຍຜ່ານການຮ່ວມສ້າງ " ໜຶ່ງແນວທາງໜຶ່ງເສັ້ນທາງ".
ທ່ານວາງຢີ້ກ່າວວ່າ, ປີນີ້ແມ່ນປີຄົບຮອບ 25 ປີຂອງການສ້າງສາຍພົວພັນທາງການທູດລະຫວ່າງຈີນ - ກາຊັກສະຖານ, ການທີ່ວາງແຜນແລະຈັດຕັ້ງປະຕິດບັດການພົບປະລະຫວ່າງທ່ານປະທານສີຈີ້ຜິງກັບທ່ານປະທານາທິບໍດີແມ່ນວາລະການເມືອງສຳຄັນທີ່ສຸດຂອງການພົວພັນລະຫວ່າງສອງຝ່າຍໃນປີນີ້. ຈີນຍິນດີຖືການພົບປະເທື່ອນີ້ເປັນໂອກາດ, ພະຍາຍາມຮ່ວມກັບກາຊັກສະຖານ, ຊຸກຍູ້ການພົວພັນຄູ່ຍຸດທະສາດຮອບດ້ານລະຫວ່າງສອງປະເທດໃຫ້ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.