ເປີດກິດຈະກຳ "ບຸກຄົນທີ່ມີຊື່ສຽງເສັ້ນທາງສາຍໄໝທ່ຽວປະເທດຈີນເພື່ອສຳຜັດກັບຈີນທີ່ມີຊີວິດຊີວາດ້ານການປະດິດສ້າງ"

ພິທີເປີດກິດຈະກຳ"ບຸກຄົນທີ່ມີຊື່ສຽງເສັ້ນທາງສາຍໄໝທ່ຽວປະເທດຈີນເພື່ອສຳຜັດກັບຈີນທີ່ມີຊີວິດຊີວາດ້ານການປະດິດສ້າງ"ໄດ້ຈັດຂຶ້ນຢູ່ເມືອງເສິງຕູ່ແຂວງເສສວນ ສປ ຈີນໃນວັນທີ 22 ເມສານີ້ໂດຍຄະນະຜູ້ແທນຂັ້ນສູງວິທະຍຸໂທລະພາບຕວກກີ 12 ຄົນຈະເດີນທາງໄປເມືອງເສິງຕູ່, ຫ່າງໂຈ່ວ,ຊຽງໄຮແລະເມືອງໃຈກາງປະດິດສ້າງວິທະຍາສາດທີ່ໂດດເດັ່ນທີ່ສຸດແຫ່ງອື່ນໆຂອງຈີນເພື່ອຄົ້ນຫາທ່າແຮງບົ່ມຊ້ອນການຮ່ວມມືຕາມຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ແລະສຳຜັດກັບການປະດິດສ້າງທີ່ມີຊີວິດຊີວາຂອງຈີນໃນຍຸກປັດຈຸບັນ.

ກິດຈະກຳຄັ້ງນີ້ໄດ້ຈັດຂຶ້ນໂດຍການເປັນເຈົ້າພາບຮ່ວມຂອງວິທະຍຸສາກົນແຫ່ງປະເທດຈີນຫຼືCRI, ສະຖານທູດຈີນປະຈຳຕວກກີ,ຄະນະໂຄສະນາຄະນະອົບຮົມພັກເມືອງເສິງຕູ່ແລະ ເມືອງຫາງໂຈ່ວ ເຊິ່ງຈຸດປະສົງກໍເພື່ອປະສານສົມທົບກັບກອງປະຊຸມສຸດຍອດເວທີປຶກສາຫາລືການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ"ທີ່ຈະຈັດຂຶ້ນໃນໄວໆນີ້ ແລະສະແດງໃຫ້ເຫັນບົດບາດທີ່ຕັ້ງໜ້າຂອງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ໃນການສົ່ງເສີມການພັດທະນາຮ່ວມກັນຂອງພາກພື້ນ.

ນັບແຕ່ປີ 2015 ເປັນຕົ້ນມາ, ກິດຈະກຳຕ່າງໆຂອງ "ບຸກຄົນທີ່ມີຊື່ສຽງເສັ້ນທາງສາຍໄໝທ່ຽວປະເທດຈີນ"ໄດ້ຈັດຂຶ້ນໂດຍປະສົບຜົນສຳເລັດຢູ່ຫຼາຍແຂວງແລະເມືອງຢູ່ຈີນ, ພ້ອມທັງໄດ້ຄົ້ນຄວ້າໂອກາດສຳຄັນທີ່ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ນຳມາສູ່ການພັດທະນາເຂດແຄວ້ນ.