ວັນທີ 22 ເມສານີ້, ລັດວິສາຫະກິດທາງລົດໄຟຈີນໄດ້ໃຫ້ຮູ້ວ່າ: ຫວ່າງມໍ່ໆມານີ້, ພາກສ່ວນທາງລົດໄຟຂອງ 7 ປະເທດຄື: ຈີນ, ເບລາຣູຊີ, ເຢຍລະມັນ,ກາຊັກສະຖານ,ມົງໂກລີ,ໂປໂລຍແລະຣັດເຊຍໄດ້ເຊັນ "ສັນຍາວ່າດ້ວຍການລົງເລິກການຮ່ວມມືລົດໄຟຈີນ-ເອີຣົບ". ນີ້ແມ່ນພາກສ່ວນທາງລົດໄຟຂອງຈີນເຊັນສັນຍາຮ່ວມມືການດຳເນີນວຽກງານທາງລົດໄຟຈີນ-ເອີຣົບກັບພາກສ່ວນທາງລົດໄຟຂອງປະເທດຢູ່ຕາມ "ໜຶ່ງແລວທາງໜຶ່ງເສັ້ນທາງ" ຄັ້ງທຳອິດເພື່ອຮັບປະກັນໃຫ້ລົດໄຟຈີນ-ເອີຣົບສາມາດພັດທະນາຢ່າງຕໍ່ເນື່ອງແລະໝັ້ນທ່ຽງ.
ເນື້ອໃນຕົ້ນຕໍຂອງສັນຍາທັງໝົດມີດັ່ງນີ້: ໜຶ່ງ,ຊຸກຍູ້ການເຊື່ອມຕໍ່ແຜນພັດທະນາພື້ນຖານໂຄງລ່າງທາງລົດໄຟ,ສ້າງທາງລົດໄຟຂົນສົ່ງສາຍຫຼັກລະຫວ່າງຈີນ-ເອີຣົບ; ສອງ,ເພີ່ມທະວີການຈັດຕັ້ງດ້ານການຂົນສົ່ງ,ຍົກຄວາມໄວຂອງລົດໄຟພາຍໃນບັນດາປະເທດດັ່ງກ່າວໃຫ້ສູງຂຶ້ນ; ສາມ,ຊຸກຍູ້ມາດຖານດ້ານການບໍລິການໃຫ້ມີຄວາມເປັນເອກະພາບ,ສູນຂໍ້ມູນຂ່າວສານທີ່ເປັນເອກະພາບ,ຮັບປະກັນຄວາມປອດໄພດ້ານການຂົນສົ່ງສິນຄ້າ; ສີ່,ເພີ່ມທະວີການໂຄສະນາເຜີຍແຜ່ລົດໄຟຈີນ-ເອີຣົບ;ຫ້າ,ປະສານສົມທົບກັນລະຫວ່າງດ່ານພາສີແລະພາກສ່ວນກວດກາປະສົມອື່ນໆຂອງປະເທດຢູ່ຕາມ "ໜຶ່ງແລວທາງໜຶ່ງເສັ້ນທາງ" ,ເຮັດໃຫ້ລະບຽບການຂົນສົ່ງສິນຄ້າຜ່ານດ່ານຂອງລົດໄຟກະທັດຮັດງ່າຍຂຶ້ນ; ແລະ ຫົກ,ສ້າງຕັ້ງໜ່ວຍງານປະສົມແລະໜ່ວຍງານຊ່ຽວຊານການຂົນສົ່ງທາງລົດໄຟຈີນ-ເອີຣົບ,ປຶກສາຫາລືເພື່ອແກ້ໄຂບັນຫາໃນຂະບວນການການສົນສົ່ງທາງລົດໄຟຢ່າງທັນການ.
 |
