ຕາມຂ່າວCRI: ວັນທີ 24 ເມສານີ້, ທ່ານ ທຽນຢູ້ຫຼົງ ຫົວໜ້າວິສະວະກອນກົມອຸດສາຫະກຳວິທະຍາສາດເຕັກໂນໂລຊີປ້ອງກັນປະເທດຈີນໄດ້ໃຫ້ຮູ້ຂະນະທີ່ເຂົ້າຮ່ວມກິດຈະກຳຫ້ອງຮັບແຂກການບິນອະວະກາດຢູ່ເມືອງຊີ່ອ່ານແຂວງສ້ານຊີ່ຈີນວ່າ: ຈີນພວມຮ່ວມກັບປະເທດອື່ນໆ ໂດຍສະເພາະແມ່ນອົງການການບິນອະວະກາດເອີຣົບແລະອົງການຈັດຕັ້ງສາກົນອື່ນໆເພື່ອຫາລືກ່ຽວກັບການສ້າງບ້ານສາກົນເທິງດວງຈັນ.
ທ່ານ ທຽນຢູ້ຫຼົງ ກ່າວຕື່ມວ່າ: ຈີນຈະດຳເນີນໂຄງການສຳຫຼວດດາວອັງຄານໃນປີ 2020, ການສຳຫຼວດຈະສາມາດບັນລຸການສຳຫຼວດແບບປິ່ນອ້ອມແລະລົງຈອດຢູ່ໜ້າດາວໄປພ້ອມກັນ, ຂະນະດຽວກັນກໍໄດ້ວາງແຜນກ່ຽວກັບການບັນລຸການເກັບຕົວຢ່າງດາວອັງຄານແລ້ວກັບຄືນສູ່ໜ່ວຍໂລກກ່ອນປີ 2030 ເພື່ອຊອກຮູ້ດາວອັງຄານໃຫ້ດີກວ່າເກົ່າ.