ຕາມຂ່າວສານຊິນຮວາ: ທ່ານ ຈິ່ນລີ້ຊູນ ຜູ້ວ່າການທະນາຄານລົງທຶນພື້ນຖານໂຄງລ່າງອາຊີ ຫຼື AIIB ກ່າວຢູ່ນະຄອນຫຼວງວໍຊິງຕັນສະຫະລັດອາເມລິກາໃນວັນທີ 24 ເມສານີ້ວ່າ, ທະນາຄານ AIIB ບໍ່ຄວນເປັນຂໍ້ຂັດແຍ້ງກັນລະຫວ່າງຈີນກັບອາເມລິກາ, ແຕ່ຄວນເປັນເວທີການຮ່ວມມືລະຫວ່າງສອງປະເທດ.
ທ່ານ ຈິ່ນລີ້ຊຸນ ໄດ້ກ່າວປາຖະກະຖາຢູ່ຄະນະກຳມະການອັດລັງຕິກ ເຊິ່ງເປັນອົງການໃຫ້ຄຳປຶກສາຂອງອາເມລິກາໃນມື້ດຽວກັນວ່າ, ໃນເວລາຈີນສະເໜີຂໍ້ລິເລີ່ມການສ້າງທະນາຄານ AIIB ເທື່ອທຳອິດ, ບຸກຄົນຈຳນວນໜຶ່ງຂອງອາເມລິກາມີຄວາມສົງໄສບໍ່ໜ້ອຍຕໍ່ທັດສະນະຄະຕິແລະການດຳເນີນງານຂອງທະນາຄານດັ່ງກ່າວ. ດ້ວຍເຫດນີ້, ທ່ານຈຶ່ງໄດ້ໄປທຳນຽບຂາວ, ກະຊວງການຕ່າງປະເທດ ແລະອົງການໃຫ້ຄຳປຶກສາຂອງອາເມລິກາເລື້ອຍໆ ເພື່ອທຳຄວາມເຂົ້າໃຈກັບອາເມລິກາກ່ຽວກັບທະນາຄານດັ່ງກ່າວ ແລະມາຮອດປັດຈຸບັນ, ອາເມລິກາໄດ້ຮັບຮູ້ແລ້ວວ່າ, ທະນາຄານດັ່ງກ່າວເປັນທະນາຄານພັດທະນາຫຼາຍຝ່າຍແບບໃໝ່ທີ່ສຸມໃສ່ການລົງທຶນສ້າງພື້ນຖານໂຄງລ່າງ ຫາກບໍ່ແມ່ນທະນາຄານທີ່ປະຕິບັດງານໂດຍຈີນພຽງຝ່າຍດຽວ.
ທ່ານ ຈິ່ນລີ້ຊຸນ ຊີ້ໃຫ້ເຫັນວ່າ, ທະນາຄານ AIIB ຈະປະຕິບັດຕາມທັດສະນະທີ່ມີຄຸນຄ່າທີ່ເປັນແກນກາງຄື ລຽບງ່າຍແລະປອດໃສຂາວສະອາດ, ສ້າງຄວາມໄວ້ເນື້ອເຊື່ອໃຈຈາກພາຍນອກດ້ວຍການກະທຳຕົວຈິງແລະໂຄງການເງິນກູ້ທີ່ມີຄຸນນະພາບສູງ.