ຫ້ອງທົດລອງຄວາມປອດໄພດ້ານອາຫານຂອງປະເທດແຫ່ງທຳອິດໄດ້ສ້າງຕັ້ງຂຶ້ນຢູ່ນະຄອນຫຼວງວຽງຈັນ ສປປ ລາວໃນວັນທີ 24 ເມສານີ້ ເພື່ອໃຊ້ເຂົ້າໃນການຕິດຕາມຄວບຄຸມຄຸນນະພາບແລະຄວາມປອດໄພດ້ານອາຫານທົ່ວປະເທດ.
ໜັງສືພິມວຽງຈັນທາມສ໌ຂອງລາວສະບັບວັນທີ 25 ເມສານີ້ລາຍງານວ່າ: ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກລາວກ່າວໃນພິທີສ້າງຕັ້ງຫ້ອງທົດລອງດັ່ງກ່າວວ່າ: ຫ້ອງທົດລອງໃໝ່ນີ້ຈະເສີມຂະຫຍາຍບົດບາດທີ່ສຳຄັນໃນຂົງເຂດຕ່າງໆເຊັ່ນ: ການຕິດຕາມກວດກາແລະກວດສອບຄວາມປອດໄພດ້ານອາຫານ,ການປ້ອງກັນການແຜ່ລະບາດຂອງພະຍາດແລະຂົງເຂດອື່ນໆຂອງລາວ. ການຄວບຄຸມຄວາມປອດໄພດ້ານອາຫານຂອງລາວໃນເມື່ອກ່ອນຈຳເປັນຕ້ອງໄດ້ອາໄສລະບົບສາທາລະນະສຸກຂອງປະເທດໃກ້ຄຽງ,ແຕ່ອາຫານທີ່ເປັນແຫຼ່ງແຜ່ລະບາດຂອງພະຍາດກໍ່ມັກເກີດຂຶ້ນເລື້ອຍໆ.
ທ່ານ ບຸນກອງ ກ່າວຕື່ມວ່າ: ຫ້ອງທົດລອງດັ່ງກ່າວມີໜ້າທີ່ກວດສອບ,ວິເຄາະພະຍາດຈາກອາຫານ ແລະ ການກວດກາເພື່ອຢັ້ງຢືນອາຫານນຳເຂົ້າແລະສົ່ງອອກພ້ອມທັງອາຫານຢູ່ຕະຫຼາດຂອງປະເທດຕົນ.