ວັນທີ 25 ເມສານີ້, ທ່ານ ເປໂຕຣ ໂປໂຣເຊັນໂຄ ປະທານາທິບໍດີອູແກຣນກ່າວໃນຂະນະທີ່ເຂົ້າຮ່ວມສັບປະດາແລກປ່ຽນວັດທະນະທຳຈີນ-ອູແກຣນວ່າ: ອູແກຣນຫວັງວ່າຈະສາມາດລົງເລິກການຮ່ວມມືຮອບດ້ານກັບຈີນ.
ທ່ານຊີ້ໃຫ້ເຫັນວ່າ: ການແລກປ່ຽນດ້ານວັດທະນະທຳຕາເວັນອອກແລະຕາເວັນຕົກແມ່ນສິ່ງຮັບປະກັນການພັດທະນາຮ່ວມກັນ,ທ່ານຈະສືບຕໍ່ ພະຍາຍາມເພື່ອລົງເລິກການຮ່ວມມືດ້ານວັດທະນະທຳແລະເສດຖະກິດຂອງສອງປະເທດຕື່ມອີກ.
ສັບປະດາແລກປ່ຽນວັດທະນະທຳຈີນ-ອູແກຣນ "ໜຶ່ງແລວທາງໜຶ່ງເສັ້ນທາງ" ໄດ້ໄຂຂຶ້ນຢູ່ນະຄອນຫຼວງກຽບຂອງອູແກຣນໃນວັນທີ 24 ເມສານີ້. ພັນລະຍາຂອງທ່ານປະທານາທິບໍດີອູແກຣນໄດ້ເຂົ້າຮ່ວມພິທີພ້ອມທັງໄດ້ຊົມງານວາງສະແດງສິລະປະຍຸກປັດຈຸບັນຈີນ.
ໂອກາດດຽວກັນນີ້,ຄະນະແລະອົງການວັດທະນະທຳຂອງສອງປະເທດຈະເຊັນເອກະສານຮ່ວມມືຫຼາຍສະບັບ, ພ້ອມທັງຈັດກອງປະຊຸມເວທີປຶກສາຫາລືຊາວໜຸ່ມລະຫວ່າງສອງປະເທດ,ກອງປະຊຸມເວທີປຶກສາຫາລືການຮ່ວມມື "ໜຶ່ງແລວທາງໜຶ່ງເສັ້ນທາງ"ກ່ຽວກັບຢາແລະແພດແຜນຈີນ, ກອງປະຊຸມເວທີປຶກສາຫາລືການຄ້າຈີນ-ອູແກຣນແລະອື່ນໆ.
 |
