ຕາມຂ່າວສານຊິນຮວາ: ທ່ານນາງໂມນິກ ເອລອດ ຜູ້ອຳນວຍການໃຫຍ່ອົງການລະບາດວິທະຍາສັດ ໂລກໄດ້ກ່າວຢູ່ປັກກິ່ງເມື່ອມໍ່ໆນີ້ວ່າ,ຄວາມສາມາດຂອງຈີນໃນດ້ານປ້ອງກັນແລະຄວບຄຸມພະຍາດສັດໄດ້ເພີ່ມທະວີຂຶ້ນເລື້ອຍໆ,ຄວາມໂປ່ງໃສດ້ານຂໍ້ມູນຂ່າວສານກໍສູງຂຶ້ນເລື້ອຍໆ.
ທ່ານນາງເອລອດກ່າວຂະນະທີ່ໃຫ້ສຳພາດວ່າ,ການຄວບຄຸມພະຍາດໄຂ້ຫວັດສັດປີກມີຄວາມຫຍຸ້ງຍາກຫຼາຍ,ແຕ່ຈີນມີແຜນການຮອບດ້ານໃນດ້ານປ້ອງກັນແລະຄວບຄຸມ,ໂດຍສະເພາະແມ່ນການຕິດຕາມຄວບຄຸມຕະຫຼາດສັດປີກໂດຍໄດ້ຄວບຄຸມແຫຼ່ງແຜ່ລະບາດຂອງພະຍາດໄດ້ດີສົມຄວນ.
ທ່ານຊີ້ໃຫ້ເຫັນວ່າ,ຈີນຕັ້ງໜ້າເຂົ້າຮ່ວມວຽກງານປ້ອງກັນພະຍາດສັດສາກົນ,ເພີ່ມທະວີການລາຍງານຕໍ່ຕ່າງປະເທດແລະແບ່ງປັນສະພາບຄວບຄຸມພະຍາດສັດ,ນີ້ຈະມີຜົນດີຕໍ່ການຄວບຄຸມຈາກແຫຼ່ງກຳເນີດ,ປ້ອງກັນບໍ່ໃຫ້ພະຍາດໄຂ້ຍຸງແຜ່ກະຈາຍຜ່ານຈາກການຄ້າທົ່ວໂລກ.