ຕາມຂ່າວCRI, ວິທະຍຸສາກົນແຫ່ງປະເທດຈີນ ຫຼື CRI ແລະອຳນາດການປົກຄອງເມືອງໄລກາດາປະເທດເກຣັກໄດ້ລົງນາມໃນສັນຍາຮ່ວມມືສື່ມວນຊົນຢູ່ນະຄອນຫຼວງອາແຕນປະເທດເກຣັກ ໂດຍໃນສັນຍາໄດ້ລະບຸວ່າ ສອງຝ່າຍຈະດຳເນີນການຮ່ວມມືໃນດ້ານການແລກປ່ຽນລາຍການ, ເວັບໄຊ ແລະຮ່ວມກັນເກັບກຳຂ່າວ ພ້ອມທັງເປີດກວ້າງຂົງເຂດການຮ່ວມມືຕາມຄວາມປາຖະໜາຂອງສອງຝ່າຍ.
ກ່ອນຈະລົງນາມໃນສັນຍາ, ທ່ານວາງເກິ່ງໜຽນ ຜູ້ອຳນວຍການໃຫຍ່ CRI ໄດ້ພົບປະກັບທ່ານໂກນສຕັນຕີໂນສ໌ ດຣາໂກນໄຕດິສ໌ ເຈົ້າເມືອງເມືອງໄລກາດາ. ໂອກາດນີ້, ທ່ານໂກນສຕັນຕີໂນສ໌ກໍສະແດງຄວາມຂອບໃຈຕໍ່ CRI ທີ່ໄດ້ເອົາໃຈໃສ່ນຳການຮ່ວມມືກັບເມືອງໄລກາດາ ເພາະການຮ່ວມມືຄັ້ງນີ້ມີຄວາມໝາຍສຳຄັນຫຼາຍຕໍ່ເມືອງຂອງຕົນ ເພາະຈະຊ່ວຍໃຫ້ປະຊາຊົນໃນເມືອງນີ້ຮັບຮູ້ແລະເຂົ້າໃຈປະເທດຈີນຫຼາຍຂຶ້ນກວ່າເກົ່າ.