ວັນທີ 27 ເມສານີ້, ຍົນບໍ່ມີຄົນຂັບຂອງອາເມລິກາໄດ້ຖິ້ມລະເບີດໃສ່ເປົ້າໝາຍກຸ່ມຕາລີບັນຢູ່ເຂດກົກເຫຼົ່າວາຈີຣີສະຖານເໜືອ ທາງພາກຕາເວັນຕົກສຽງເໜືອປະເທດປາກິສະຖານ ສົ່ງຜົນເຮັດ 7 ຄົນເສຍຊີວິດເປັນຢ່າງໜ້ອຍ.
ສື່ມວນຊົນປາກິສະຖານລາຍງານວ່າ: ຕອນບ່າຍວັນທີ 27 ເມສານີ້, ຍົນບໍ່ມີຄົນຂັບຂອງອາເມລິກາໄດ້ຍິງລູກສອນໄຟນຳວິຖີສອງລູກໃສ່ຖານທີ່ໝັ້ນກຸ່ມປະກອບອາວຸດສອງແຫ່ງຢູ່ເຂດກົກເຫຼົ່າວາຣີຣີສະຖານເໜືອ ເຮັດໃຫ້ຖານທີ່ໝັ້ນສອງແຫ່ງດັ່ງກ່າວຖືກທຳລາຍລ້າງແລະເຮັດໃຫ້ຜູ້ບັນຊາການກຸ່ມຕາລີບັນປາກິສະຖານຜູ້ໜຶ່ງພ້ອມຜູ້ຕິດຕາມ 6 ຄົນທີ່ກຳລັງລວມຢູ່ຖານທີ່ໝັ້ນແຫ່ງໜຶ່ງເສຍຊີວິດທັງໝົດ.
ນັບແຕ່ປີ 2004 ເປັນຕົ້ນມາ, ອາເມລິກາໄດ້ຖິ້ມລະເບີດໃສ່ປາກິສະຖານດ້ວຍຍົນບໍ່ມີຄົນຂັບ ເຮັດໃຫ້ມີຜູ້ເສຍຊີວິດແລະບາດເຈັບຈຳນວນຫຼວງຫຼາຍແລະພາໃຫ້ປາກິສະຖານປະທ້ວງຢ່າງຮຸນແຮງ ໂດຍລັດຖະບານປາກິສະຖານຮຽກຮ້ອງຢ່າງເຄັ່ງຂຶມຫຼາຍເທື່ອໃຫ້ລັດຖະບານອາເມລິກາຢຸດການກະທຳທີ່ລ່ວງລ້ຳອະທິປະໄຕຂອງປາກິສະຖານ.