ຕົວເລກຫຼ້າສຸດທີ່ກະຊວງການຄ້າປະເທດມຽນມາເປີດເຜີຍໄດ້ຊີ້ໃຫ້ເຫັນວ່າ,ແຕ່ເດືອນມີນາປີ 2016 ຫາເດືອນມີນາປີ 2017, ການສົ່ງອອກດ້ານກະສິກຳຂອງປະເທດຕົນໃນປີງົບປະມານຜ່ານມາທີ່ບັນຈົບວາລະໃນເດືອນມີນາໄດ້ລື່ນກາຍ 2 ຕື້ 930 ລ້ານໂດລາສະຫະລັດ, ຫຼາຍກວ່າໄລຍະດຽວກັນ 315 ລ້ານໂດລາສະຫະລັດ ແລະກວມຍອດລາຍຮັບໝົດປີ 25%, ການສົ່ງອອກຜະລິດຕະພັນກຳສິກຳໄດ້ເພີ່ມຂຶ້ນ 1 ຕື້ 400 ລ້ານໂດລາສະຫະລັດທຽບໃສ່ໄລຍະດຽວກັນ.
ເນື່ອງຈາກດິນຟ້າອາກາດບໍ່ອຳນວຍ,ມຽນມາກຳລັງພະຍາຍາມຊຸກຍູ້ການຜະລິດກະສິ ກຳ ແລະຍົກລະດັບເຕັກນິກການຜະລິດກຳສິກຳເພື່ອຫຼຸດການອາໄສດິນຟ້າອາກາດແລະຕະຫຼາດຕ່າງປະເທດພ້ອມທັງແກ້ໄຂບັນຫາຕົ້ນທຶນການຂົນສົ່ງສູງເພື່ອເພີ່ມຄວາມສາມາດແຂ່ງຂັນກັບປະເທດໃນພາກພື້ນຕົນ.