ຂ່າວຈາກໜັງສືພິມນານຢາງຊຽງໂປປະເທດມາເລເຊຍລາຍງານວ່າ: ທ່ານອູໄຊດີ ອູດານິສ ປະທານສະມາຄົມການທ່ອງທ່ຽວເຂົ້າເມືອງປະເທດມາເລເຊຍຫຼື MITAໄດ້ກ່າວໃນພິທີມອບລາງວັນການແຂ່ງຂັນຜູ້ຊື້ງານວາງສະແດງການທ່ອງທ່ຽວເຂົ້າເມືອງປະເທດມາເລເຊຍໃນຫວ່າງມໍ່ໆນີ້ວ່າ,ປັດຈຸບັນ ການທ່ອງທ່ຽວເຂົ້າເມືອງໄດ້ພັດທະນາຢ່າງວ່ອງໄວໂດຍສະເພາະແມ່ນຫຼັງລັດຖະບານປະເທດຕົນປະຕິບັດມາດຕະການຍົກເວັ້ນວີຊາຕໍ່ນັກທ່ອງທ່ຽວຈີນໃນເດືອນມີນາຜ່ານມາ,ເຮັດໃຫ້ຈຳນວນນັກທ່ອງທ່ຽວຈີນໄດ້ເພີ່ມຂຶ້ນປະມານ 74%.
ທ່ານອູໄຊດີກ່າວວ່າ,ປັດຈຸບັນ ບໍລິສັດທ່ອງທ່ຽວສ່ວນຫຼາຍຂອງປະເທດຕົນໄດ້ສຸມໃສ່ການໂຄສະນາຈຳໜ່າຍຜະລິດຕະພັນໄປທ່ອງທ່ຽວຕ່າງປະເທດໃຫ້ນັກທ່ອງທ່ຽວປະເທດຕົນ,ແຕ່ຂະນະດຽວກັນກໍຕ້ອງໂຄສະນາໃຫ້ນັກທ່ອງທ່ຽວຈາກປະເທດອື່ນເຂົ້າມາທ່ຽວປະເທດຕົນເຊັ່ນດຽວກັນເປັນຕົ້ນຈີນແລະອິນໂດເນເຊຍ. MITA ຈັດງານວາງສະແດງທ່ອງທ່ຽວເຂົ້າເມືອງຄັ້ງທຳອິດກໍເພື່ອເຊື້ອເຊີນບໍລິສັດທ່ອງທ່ຽວ 300 ແຫ່ງແລະບໍລິສັດສະໜອງການທ່ອງທ່ຽວ 100 ແຫ່ງທົ່ວປະເທດມາເຂົ້າຮ່ວມເພື່ອແຂ່ງຂັນລາຄາໃນສັນຍາທີ່ດີທີ່ສຸດໃນປີ 2017 ແລະປີ 2018.
 |
