ຕາມຂ່າວສານຊິນຮວາ: ທ່ານໂຣດຣິໂກ ດູເຕີເຕ ປະທານາທິບໍດີຟີລິບປິນໄດ້ນຳພາເຈົ້າໜ້າທີ່ລັດຖະບານແລະເຈົ້າໜ້າທີ່ທະຫານປະເທດຕົນຢ້ຽມຊົມກຳປັ່ນສາງຊຸ່ນ ຂອງກອງທັບເຮືອຈີນໃນໂອກາດຢ້ຽມຢາມສັນຖະວະໄມຕີເມືອງດາວາວ ໃນຕອນບ່າຍວັນທີ 1 ພຶດສະພານີ້.
ທ່ານດູເຕີເຕກ່າວຢູ່ກຳປັ່ນສາງຊຸ່ນວ່າ, ຂ້າພະເຈົ້າຂອບໃຈລັດຖະບານຈີນທີ່ໄດ້ສົ່ງກຳປັ່ນຮົບມາຢ້ຽມຢາມຟີລິບປິນ ເຊິ່ງຜ່ານມາເຄີຍໄດ້ເຫັນກຳປັ່ນຂອງຫຼາຍປະເທດ, ແຕ່ປັດຈຸບັນກໍໄດ້ເຫັນກຳປັ່ນຂອງກອງທັບເຮືອຈີນ ເຊິ່ງແມ່ນກຳປັ່ນດີທີ່ສຸດລຳໜຶ່ງ, ມີຄວາມປອດໄພ, ສະອາດ ແລະງາມທີ່ສຸດ. ຂ້າພະເຈົ້າຂໍສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນຂອງນາຍແລະພົນທະຫານເຮືອຈີນ ແລະຫວັງວ່າກຳປັ່ນຮົບຈີນຈະມີໂອກາດມາຢ້ຽມຢາມຟີລິບປິນອີກ. ກອງທັບເຮືອສອງປະເທດຈີນ-ຟີລິບປິນສາມາດດຳເນີນການຊ້ອມຮົບຮ່ວມ ແລະພວກຂ້າພະເຈົ້າກໍຄອງຄອຍແລະຮູ້ສຶກເປັນກຽດທີ່ສຸດທີ່ຈະສາມາດເດີນເຮືອນຳພວກທ່ານເພື່ອມິດຕະພາບ.