ຮອງໂຄສົກສຳນັກງານນາຍົກລັດຖະມົນຕີໄທ ກ່າວໃນການຖະແຫຼງຂ່າວໃນວັນທີ 1 ພຶດສະພານີ້ວ່າ, ປະເທດຕົນຈະຕິດຕໍ່ພົວພັນກັບອາເມລິກາຢ່າງໃກ້ຊິດ ແລະຈະເລືອກເວລາທີ່ເໝາະສົມເພື່ອໃຫ້ທ່ານ ປຣະຍຸດ ຈັນໂອຊາ ເດີນທາງໄປຢ້ຽມຢາມອາເມລິກາ.
ຕອນຄ່ຳວັນທີ 30 ເມສາຜ່ານມາ, ທ່ານ ປຣະຍຸດ ຈັນໂອຊາ ໄດ້ລົມໂທລະສັບກັບທ່ານ ໂດນັນ ທຣຳ ປະທານາທິບໍດີອາເມິກາຜ່ານທາງໂທລະສັບ ໂດຍທ່ານ ທຣຳ ໄດ້ເຊີນທ່ານ ປຣະຍຸດ ໄປຢ້ຽມຢາມອາເມລິກາ ເພື່ອປຶກສາຫາລືບັນຫາທີ່ສົນໃຈຮ່ວມກັນຢ່າງເລິກເຊິ່ງ.
ນັບແຕ່ເຈົ້າໜ້າທີ່ທະຫານໄທບໍລິຫານປະເທດເມື່ອເດືອນພຶດສະພາປີ 2014 ເປັນຕົ້ນມາ ແລະຜ່ານມາເກືອບ 3 ປີແລ້ວ, ຜູ້ນຳອາເມລິກາກໍບໍ່ເຄີຍເຊີນຜູ້ນຳໄທໄປຢ້ຽມຢາມຈັກເທື່ອ. ແນວໃດກໍດີ ສື່ມວນຊົນໄດ້ວິເຄາະວ່າ, ລັດຖະບານທະຫານໄທຈະຢ້ຽມຢາມອາເມລິການັ້ນສະແດງໃຫ້ເຫັນວ່າ, ຫຼັງຈາກທ່ານ ທຣຳ ຂຶ້ນກຳອຳນາດແລ້ວ ມີເຈຕະນາປັບປຸງການພົວພັນໃນຖານະເປັນພັນທະມິດດ້ານການທະຫານກັບໄທ.