ໃນວັນທີ 29 ເມສາຜ່ານມາ, ກິດຈະກຳ "ນັກຂ່າວຈີນແລະຕ່າງປະເທດ CRI ໄປເກັບກຳຂ່າວຢູ່ແຂວງສານຊີ່" ໃນຫົວຂໍ້ "ເປັນພິຍານໃຫ້ແຂວງສານຊີ່ ກ້າວທັນແລະກ້າວລ້ຳຍຸກ" ທີ່ດຳເນີນເປັນເວລາ 7 ວັນນັ້ນ ໄດ້ສຳເລັດລົງຢ່າງຈົບງາມ ໂດຍນັກຂ່າວ 20 ປະເທດທີ່ເຮັດວຽກຢູ່ວິທະຍຸສາກົນແຫ່ງປະເທດຈີນ ຫຼື CRI ແລະນັກຂ່າວຂັ້ນສູນກາງ ແລະ ແຂວງສານຊີ່ ໄດ້ທັດສະນະສຶກສາຢູ່ເມືອງຊີ່ອ່ານ -"ເມືອງແຫ່ງວັດທະນາຖາວອນ", ເມືອງປາວຈີ່ -"ແຫຼ່ງກຳເນີດຂອງວັດຖຸທອງສຳລິດ" ແລະ ເມືອງສຽນຢາງ -"ເມືອງຫຼວງເກົ່າສະໄໝລາຊະວົງສິນ" ເພື່ອສ່ອງແສງໃຫ້ເຫັນເຖິງໂສມໜ້າໃໝ່ຂອງແຂວງສານຊີ່ ທີ່ "ກົມກືນລະຫວ່າງປະຫວັດສາດແລະຍຸກປັດຈຸບັນ ກໍຄືການປະສົມປະສານກັນລະຫວ່າງມູນເຊື້ອແລະແຟຊັນທີ່ງົດງາມ".
ກິດຈະກຳເທື່ອນີ້ໄດ້ຈັດຂຶ້ນໂດຍຫ້ອງການຄວາມປອດໄພທາງອິນເຕີເນັດ ແລະ ຂໍ້ມູນຂ່າວສານ ຄະນະພັກແຂວງ, ຫ້ອງການໂຄສະນາຕໍ່ຕ່າງປະເທດຄະນະພັກແຂວງສານຊີ່ ແລະ CRI ອອນລາຍ ໂດຍມີນັກຂ່າວຈີນແລະຕ່າງປະເທດ 20 ພາສາ ທີ່ເຮັດວຽກຢູ່ CRI ພ້ອມດ້ວຍນັກຂ່າວຈາກສູນກາງ ແລະ ສື່ມວນຊົນແຂວງສານຊີ່ 70 ທ່ານເຂົ້າຮ່ວມ.