ທ່ານກິນມາວລິນ ເລຂາທິການໃຫຍ່ສະຖາບັນຄົ້ນຄວ້າຍຸດທະສາດແລະບັນຫາສາກົນມຽນມາໃຫ້ສຳພາດຕໍ່ນັກຂ່າວໃນມໍ່ໆນີ້ວ່າ, "ໜຶ່ງແລວທາງໜຶ່ງເສັ້ນທາງ" ແມ່ນຂໍ້ລິເລີ່ມທີ່ຍິ່ງໃຫຍ່, ມີແຕ່ຮ່ວມມືກັນຈິ່ງມີຜົນປະໂຫຍດ ແລະຖ້າບໍ່ເຂົ້າຮ່ວມ, ກໍຈະປະສົບຄວາມເສຍຫາຍຕາມມາ.
ທ່ານກິນມາວລິນກ່າວຕໍ່ການພັດທະນາຕາມ "ໜຶ່ງແລວທາງໜຶ່ງເສັ້ນທາງ" ໃນອະນາຄົດ ດ້ວຍແງ່ດີວ່າ, "ໜຶ່ງແລວທາງໜຶ່ງເສັ້ນທາງ" ໄດ້ເພີ່ມທະວີການພົວພັນການຄ້າລະຫວ່າງປະເທດ ເຊິ່ງຈະເປັນການປະກອບສ່ວນຕໍ່ເສດຖະກິດໂລກ ແລະສ້າງຄວາມຜາສຸກໃຫ້ແກ່ປະຊາຊົນຂອງປະເທດຕ່າງໆ. ຈາກນີ້ ລັດຖະບານມຽນມາຈິ່ງສະໜັບສະໜູນແລະເຂົ້າຮ່ວມການສ້າງ "ໜຶ່ງແລວທາງໜຶ່ງເສັ້ນທາງ" ເພື່ອເປັນຊ່ອງທາງເພີ່ມທະວີການຮ່ວມມືລະຫວ່າງປະເທດຕົນກັບປະເທດອື່ນ ອັນຈະເຮັດໃຫ້ການຄ້າ, ການລົງທຶນ ແລະການກໍ່ສ້າງພື້ນຖານໂຄງລ່າງຂອງປະເທດຕົນມີໂອກາດໄດ້ຮັບການພັດທະນາຫຼາຍກວ່າເກົ່າ. ທ່ານກິນມາວລິນກ່າວຕື່ມວ່າ, ປັດຈຸບັນ, ການເຊື່ອມຕໍ່ກັບການສ້າງ "ໜຶ່ງແລວທາງໜຶ່ງເສັ້ນທາງ" ສຳລັບມຽນມາແລ້ວ ແມ່ນການກໍ່ສ້າງພື້ນຖານໂຄງລ່າງ ແຕ່ຈະເຊື່ອມຕໍ່ແນວໃດຍັງຕ້ອງຄົ້ນຄວ້າຫຼາຍບັນຫາຕື່ມອີກ, ຂະນະດຽວກັນ ມຽນມາຍິນດີຕ້ອນຮັບນັກທຸລະກິດປະເທດຕ່າງໆເຂົ້າມາລົງທຶນຢູ່ມຽນມາຢ່າງຍຸດຕິທຳ, ຂະນະທີ່ຈີນກໍມີຫຼາຍວິສາຫະກິດທີ່ດີ ເຊິ່ງຖ້າເຂົ້າມາລົງທຶນສ້າງມຽນມາຢ່າງຍຸດຕິທຳ, ພວກເຮົາກໍຍິນດີຕ້ອນຮັບສະເໝີ.
 |
