ຕາມຂ່າວCRI: ບໍລິສັດຊ່າງເຟີຍຈີນເປີດເຜີຍໃນວັນທີ 3 ພຶດສະພານີ້ວ່າ, ຫຼັງຈາກພິຈາລະນາຈາກປັດໄຈຕ່າງໆແລ້ວຈິ່ງເຫັນວ່າ, C919 ຍົນໂດຍສານຂະໜາດໃຫຍ່ທີ່ຈີນຜະລິດເອງຈະທົດລອງບິນເປັນຄັ້ງທຳອິດຢູ່ສະໜາມບິນສາກົນຜູຕຸ່ງນະຄອນຊຽງໄຮ້ໃນວັນທີ 5 ພຶດສະພານີ້, ແຕ່ຖ້າສະພາບດິນຟ້າອາກາດບໍ່ອຳນວຍ, ກໍຈຈຳເປັນຕ້ອງຈະເລື່ອນເວລາ.
ເພື່ອເຈາະຕະຫຼາດຂົນສົ່ງການບິນທົ່ວໄປ ຄື ຍົນໂດຍສານຂະນາດບັນຈຸ 150 ບ່ອນນັ່ງນັ້ນ, C919 ຈິ່ງເປັນຍົນໂດຍສານທີ່ບໍລິການສາຍການບິນຫຼັກທີ່ຄົ້ນຄວ້າຜະລິດຕາມມາດຖານສາກົນ ແລະມາດຖານທຸລະກິດໃນຕະຫຼາດການບິນສາກົນ ເຊິ່ງໄດ້ຮັບຄວາມສົນໃຈຈາກຕະຫຼາດທັງພາຍໃນແລະຕ່າງປະເທດ. ປັດຈຸບັນ, C919 ມີລູກຄ້າທັງພາຍໃນແລະຕ່າງປະເທດ 23 ແຫ່ງ ລວມທັງບໍລິສັດການບິນສາກົນຈີນ ຫຼື AIR CHINA ແລະໄດ້ຮັບການສັ່ງຈອງແລ້ວ 570 ລຳ ລວມທັງລູກຄ້າສາກົນ ເຊັ່ນ ບໍລິສັດ GECAS ຂອງອາເມລິກາ.