ທ່ານນາງເທເຣຊາ ເມ ນາຍົກລັດຖະມົນຕີອັງກິດ ກ່າວໃນວັນທີ 3 ພຶດສະພານີ້ວ່າ: ໃນບໍ່ເທົ່າໃດມື້ຜ່ານມາ, ອີຢູມີທ່າທີແຂງກະດ້າງຍິ່ງຂຶ້ນໃນການເຈລະຈາກັບປະເທດຕົນກ່ຽວກັບການຖອນອອກຈາກອີຢູ. ນອກນີ້ ຜູ້ນຳອີຢູຂູ່ປະເທດຕົນຕື່ມອີກ ເຊິ່ງການກະທຳເຫຼົ່ານີ້ກໍເພື່ອຢາກແຊກແຊງການເລືອກຕັ້ງທົ່ວໄປຂອງອັງກິດ.
ທ່ານດາວິດ ດາວິສ ລັດຖະມົນຕີກິດຈະການອັງກິດຖອນອອກຈາກອີຢູ ໄດ້ຢືນຢັນໃນວັນດັ່ງກ່າວວ່າ: ປະເທດຕົນຈະບໍ່ຈ່າຍ "ຄ່າຖອນອອກຈາກອີຢູ" 100 ຕື້ເອີໂຣໃຫ້ອີຢູຢ່າງເດັດຂາດ, ແຕ່ຈະຈ່າຍຢ່າງສົມເຫດສົມຜົນຕາມສິດແລະພັນທະຂອງຕົນເທົ່ານັ້ນ ຫາກບໍ່ແມ່ນຈຳນວນເງິນທີ່ອີຢູສະເໜີມານັ້ນຢ່າງເດັດຂາດ.