ຕາມໜັງສືພິມ Manila Bulletin ຂອງຟີລິບປິນສະບັບວັນທີ 2 ພຶດສະພາລາຍງານວ່າ: ລັດຖະບານຟີລິບປິນຈະສະເໜີສອງໂຄງການພື້ນຖານໂຄງລ່າງຂະໜາດໃຫຍ່ຕໍ່ທະນາຄານລົງທຶນພື້ນຖານໂຄງລ່າງອາຊີຫຼື AIIB.
ທ່ານ ຄາໂລສ ໂດມິນກູສ ລັດຖະມົນຕີກະຊວງການເງິນຟີລິບປິນກ່າວວ່າ: ປະເທດຕົນມີແຜນຈະສະເໜີການລົງທຶນໃສ່ໂຄງການກໍ່ສ້າງເຂື່ອນໄຟຟ້າກາລິຟແລະໂຄງການເສັ້ນທາງລົດໄຟເໜືອ-ໃຕ້ຕອນໃຕ້ຕໍ່ທະນາຄານ AIIB ໂດຍຈະນຳໃຊ້ການຊ່ວຍເຫຼືອການພັດທະນາຈາກລັດຖະບານຈີນແລະທຶນຂອງທະນາຄານ AIIB ເພື່ອປະຕິບັດໂຄງການພື້ນຖານໂຄງລ່າງດັ່ງກ່າວ.
ປີຜ່ານມາ,ຟີລິບປິນໄດ້ຮັບການສະໜັບສະໜູນຈາກການຮ່ວມມືໃນການລະດົມທຶນທີ່ມີມູນຄ່າເຖິງ 500 ລ້ານໂດລາສະຫະລັດຈາກທະນາຄານ AIIB ໂດຍໂຄງການເສັ້ນທາງລົດໄຟເໜືອ-ໃຕ້ຕອນໃຕ້ເປັນໂຄງການພື້ນຖານໂຄງລ່າງອາຊີຂະໜາດໃຫຍ່ທີ່ສຸດຂອງລັດຖະບານຊຸດປັດຈຸບັນ. ໂຄງການກໍ່ສ້າງເຂື່ອນໄຟໄຟ້ກາລິຟຈະສາມາດຫຼຸດຜ່ອນບັນຫາການນຳໃຊ້ນ້ຳຂອງເຂດມະນີລາໄດ້,ສ່ວນການກໍ່ສ້າງເສັ້ນທາງລົດໄຟເໜືອ-ໃຕ້ຕອນໃຕ້ມີແຜນຈະເຊື່ອມຕໍ່ນະຄອນຫຼວງມະນີລາກັບມັດນ໊ອກ ໃນນັ້ນມີທັງການກໍ່ສ້າງ,ການຍົກຍ້າຍເຮືອນ,ຂະຫຍາຍເສັ້ນທາງ,ການດຳເນີນງານ,ການສ້ອມແປງແລະການບຳລຸງຮັກສາເປັນຕົ້ນ.
 |
