ວັນທີ 4 ພຶດສະພານີ້, ທະນາຄານຈີນສາຂາສິງກະໂປ ໄດ້ສຳເລັດການຈຳໜ່າຍພັນທະບັດ 600 ລ້ານໂດລາສະຫະລັດຢູ່ປະເທດດັ່ງກ່າວ. ໃນຖານະເປັນສ່ວນໜຶ່ງໃນການລະດົມທຶນຜ່ານການຈຳໜ່າຍພັນທະບັດຂອງທະນາຄານຈີນເພື່ອຕອບສະໜອງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ນັ້ນ, ນັກລົງທຶນໄດ້ແຫ່ຊື້ພັນທະບັດຢ່າງຄຶກຄັກ ແລະເກີນໂກຕາກວ່າ 2 ເທົ່າ, ຂະນະທີ່ອັດຕາດອກເບ້ຍລະຫວ່າງທະນາຄານລອນດອນ(LIBOR) 3 ເດືອນ 0,77% ໃນໄລຍະ 3 ປີ.
ຂ່າວລາຍງານຕື່ມວ່າ: ໃນຕໍ່ໜ້າ, ທະນາຄານຈີນຈະສືບຕໍ່ພິຈາລະນາລະດົມທຶນໂດຍ ການຈຳໜ່າຍພັນທະບັດ, ສ້າງລະບົບການບໍລິການການເງິນທົ່ວໂລກ ແລະ ຄົບວົງຈອນ, ສ້າງຊ່ອງທາງການເງິນ "ໜຶ່ງແລວທາງໜຶ່ງເສັ້ນທາງ" ໃຫ້ລຸໂລ່ງໄປດ້ວຍດີ ທັງກວມເອົາອົງການຂອງປະເທດຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ" ໃຫ້ຫຼາຍກວ່າເກົ່າ, ເສີມຂະຫຍາຍທ່າແຮງຂອງຕົນທີ່ເປັນເວທີວິຊາການແລະບໍລິການທົ່ວໂລກ ຊຸກຍູ້ທຸລະກຳທາງການເງິນ, ຊີ້ນຳຝ່າຍຕ່າງໆເຂົ້າຮ່ວມ ເພື່ອສ້າງພື້ນຖານການຮ່ວມມືສາກົນໃນການພັດທະນາການເງິນ "ໜຶ່ງແລວທາງໜຶ່ງເສັ້ນທາງ" ໃຫ້ໜັກແໜ້ນ.
