ຕາມຂ່າວສານຈີນ: ໂຄງການໄລຍະທີໜຶ່ງຂອງໂຮງງານກັ່ນນ້ຳມັນທີ່ມີຄວາມສາມາດຜະລິດໄດ້ 5 ລ້ານໂຕນຕໍ່ປີຂອງກຳປູເຈຍທີ່ວິສາຫະກິດຈີນຮ່ວມກໍ່ສ້າງ ໄດ້ຈັດພິທີວາງສີລາລືກຢູ່ແຂວງສີຫານຸກເໜືອປະເທດດັ່ງກ່າວແລ້ວໃນວັນທີ 4 ເມສານີ້.
ທ່ານຊຸຍເຊັມ ລັດຖະມົນຕີກະຊວງບໍ່ແຮ່ແລະພະລັງງານກຳປູເຈຍກ່າວໃນພິທີວ່າ, ປັດຈຸບັນ, ນ້ຳມັນເຊື້ອໄຟແລະອາຍແກັສທຳມະຊາດຂອງກຳປູເຈຍໄດ້ອີງໃສ່ການນຳເຂົ້າ ແລະການຈຳໜ່າຍຢູ່ປະເທດຕົນກໍຜ່ານບໍລິສັດທັງພາຍໃນແລະຕ່າງປະເທດ 14 ແຫ່ງ. ສຳລັບການວາງສີລາລືກແລະເລີ່ມລົງມືກໍ່ສ້າງໂຮງງານກັ່ນນ້ຳມັນນີ້ເປັນການສະແດງໃຫ້ເຫັນວ່າລັດຖະບານໄດ້ເອົາໃຈໃສ່ສູງຕໍ່ເລື່ອງນີ້ ແລະຈະຕອບສະໜອງຕາມຄວາມຕ້ອງການນຳໃຊ້ນ້ຳມັນເຊື້ອໄຟແລະອາຍແກັສທຳມະຊາດຢູ່ພາຍໃນປະເທດຕົນ ທັງາສາມາດຮັບປະກັນຄວາມປອດໄພດ້ານພະລັງງານແລະຫຼຸດການນຳເຂົ້າໃຫ້ໜ້ອຍລົງ.
ທ່ານເສິນລົ້ວ ປະທານບໍລິສັດວິສະວະກຳສາກົນເສິນໂຈວ່ສາງເສິງຈີນຈຳກັດກ່າວວ່າ, ໂຮງງານກັ່ນນ້ຳມັນແຫ່ງນີ້ເປັນແຫ່ງທຳອິດຂອງກຳປູເຈຍ ເຊິ່ງມີຄວາມໝາຍສຳຄັນທີ່ສຸດຕໍ່ການພັດທະນາຂອງບໍລິສັດອຸດສາຫະກຳນ້ຳມັນເຊື້ອໄຟແລະອາຍແກັສທຳມະຊາດກຳປູເຈຍ.