ໂອກາດເຂົ້າຮ່ວມກອງປະຊຸມຂະແໜງການນ້ຳມັນເຊື້ອໄຟແລະອາຍແກັສທຳມະຊາດອາຊີຄັ້ງທີ 19 ຢູ່ນະຄອນຫຼວງກົວລາລຳເປີປະເທດມາເລເຊຍໃນວັນທີ 8 ພຶດສະພານີ້, ທ່ານນາຈິບ ຕູນ ຣາຊັກ ນາຍົກລັດຖະມົນຕີປະເທດດັ່ງກ່າວຊີ້ໃຫ້ເຫັນວ່າ ກ່ອນໜ້ານີ້ບໍ່ດົນ,ຫຼາຍສະຖາບັນທີ່ມີຊື່ສຽງໄດ້ຢືນຢັນເຖິງຜົນງານແລະຜົນສຳເລັດຂອງປະເທດຕົນໂດຍເຫັນໄດ້ຈາກຜົນການສຳຫຼວດທ່າແຮງການລົງທຶນຂອງ 80 ປະເທດທີ່ຮ່ວມມືສຳຫຼວດໂດຍບໍລິສັດໃຫ້ຄຳປຶກສາທີ່ມີຊື່ສຽງແຫ່ງໜຶ່ງກັບວິທະຍາໄລວໍຕັນມະຫາວິທະຍາໄລເພັນຊີວາເນຍສະຫະລັດອາເມລິກາສະແດງໃຫ້ເຫັນວ່າ ມາເລເຊຍເປັນປະເທດຍອດນິຍົມສຳລັບການລົງທຶນໃນປີ2017.
ທ່ານນາຈິບກ່າວວ່າ, ຈາກການຄຸ້ມຄອງບໍລິຫານຂອງລັດ, ເສດຖະກິດມາເລເຊຍໄດ້ຂະຫຍາຍຕົວມາເປັນເວລາຫຼາຍປີ, ອັດຕາວ່າງງານແລະອັດຕາເງິນເຟີ້ຮັກສາຢູ່ໃນລະດັບຕ່ຳສະເໝີ, ລວມຍອດລາຍຮັບຂອງປະຊາຊົນໄດ້ເພີ່ມຂຶ້ນເກືອບ 50%. ຂະນະດຽວກັນ,ເສດຖະກິດກໍຈະສືບຕໍ່ພັດທະນາຢ່າງສົດໃສ ແລະບົນພື້ນຖານການຂະຫຍາຍຕົວຂອງເສດຖະກິດ 4,2% ໃນປີຜ່ານມານັ້ນກໍຄາດວ່າ ປີນີ້ຈະຂະຫຍາຍຕົວແຕ່ 4,3% ຫາ 4,8%.