ຕາມຂ່າວສານຊິນຮວາ: ຕອນເຊົ້າວັນທີ 9 ພຶດສະພານີ້, ກຳປັ່ນ 8004 ຂອງຕຳຫຼວດທະເລຫວຽດນາມໄດ້ເດີນທາງເຖິງເມືອງໄຫໂຂ່ວແຂວງໄຫຫຼຳປະເທດຈີນເຊິ່ງນີ້ແມ່ນການເດີນທາງ ຢ້ຽມຢາມປະເທດຈີນຕາມຄຳເຊີນເປັນຄັ້ງທຳອິດແລະກໍເປັນໜຶ່ງມາດຕະການທີ່ເປັນຮູບປະທຳທີ່ຕຳຫຼວດທະເລຈີນ-ຫວຽດນາມປະຕິບັດຕາມຄວາມເປັນເອກະສັນທີ່ສຳຄັນຂອງຜູ້ນຳພັກລັດສອງປະເທດ.
ໂອກາດຢ້ຽມຢາມ,ສອງຝ່າຍໄດ້ຈັດການພົບປະເຈລະຈາວຽກຕຳຫຼວດທະເລໂດຍມີຜູ້ຕາງໜ້າກະຊວງການຕ່າງປະເທດແລະກະຊວງປ້ອງກັນຄວາມສະຫງົບເປັນຕົ້ນເຂົ້າຮ່ວມແລະໄດ້ສະຫຼຸບແລະຖອດຖອນບົດຮຽນການຮ່ວມມືລະຫວ່າງຕຳຫຼວດທະເລສອງປະເທດໃນຫຼາຍປີຜ່ານມາແລະຮ່ວມກັນປຶກສາຫາລືເພື່ອຮັບມືກັບສະຖານະການແລະໜ້າທີ່ໃໝ່ໃນການຮ່ວມກັນປະຕິບັດກົດໝາຍທາງທະເລທັງຍັງຈະຈັດກິດຈະກຳການເປີດເຂົ້າຊົມກຳປັ່ນຕຳຫຼວດທະເລຫວຽດນາມແລະການແລກປ່ຽນວັດທະນະທຳ.
ກ່ອນໜ້ານີ້ຄືເມື່ອເດືອນພະຈິກປີ 2016,ກຳປັ່ນ 46305 ຂອງຕຳຫຼວດທະເລຈີນເຄີຍຢ້ຽມຢາມເມືອງຮາຍຟອງປະເທດຫວຽດນາມ ແລະເທື່ອນີ້ນັບວ່າເປັນຜົນສຳເລັດໃນການຢ້ຽມຢາມເຊິ່ງກັນແລະກັນ.
 |
