ຕາມຂ່າວສານຈີນ: "ບຸນວາເລນທາຍ"ທີ່ເປັນມູນເຊື້ອໄດ້ຈັດຂຶ້ນເປັນຄັ້ງທຳອິດລະຫວ່າງເມືອງຫຼົງໂຈ່ວ ສປຈີນ-ເມືອງກາວບັງສສຫວຽດນາມປີ 2017 ຢູ່ເມືອງຫຼົງໂຈ່ວເຂດປົກຄອງຕົນເອງກວາງຊີສປຈີນໃນວັນທີ 8 ພຶດສະພານີ້ໂດຍມີຊາວໜຸ່ມແລະສິລະປິນຈາກສອງປະເທດຈີນ-ຫວຽດນາມໄດ້ຮ່ວມຟ້ອນລຳທຳເພງເພື່ອເປັນການສົ່ງເສີມຮີດຄອງປະເພນີແລະວັດທະນະທຳຢູ່ເຂດຊາຍແດນສອງປະເທດ.
ໃນກິດຈະກຳສະຫຼອງດັ່ງກ່າວ,ນັກສິລະປິນຂອງສອງປະເທດນອກຈາກໄດ້ສະແດງລາຍການເຕັ້ນຟ້ອນທີ່ມີເອກະລັກຂອງແຕ່ລະປະເທດແລ້ວຍັງໄດ້ສະແດງອອກເຖິງຄວາມຮັກແພງກັນໂດຍ "ຄົນຈີນຮ້ອງເພງຫວຽດນາມແລະຄົນຫວຽດນາມຮ້ອງເພງຈີນ".
ເມືອງຫຼົງໂຈ່ວຕັ້ງຢູ່ພາກຕາເວັນອອກສຽງໃຕ້ເຂດກວາງຊີປະເທດຈີນເຊິ່ງຕິດກັບແຂວງກາວບັງປະເທດຫວຽດນາມແລະເປັນເມືອງຊາຍແດນທີ່ມີຊື່ສຽງທາງປະຫວັດສາດ,ວັດທະນະທຳ,ການຄ້າມາໄດ້ 1290 ກວ່າປີແລະກໍເປັນປະຕູສຳຄັນແຫ່ງການແລກປ່ຽນກັນທາງວັດທະນະທຳການຄ້າລະຫວ່າງຈີນແລະບັນດາປະເທດອາຊີຕາເວັນອອກສຽງໃຕ້ຕື່ມອີກ.
