ວັນທີ 9 ພຶດສະພານີ້ ຢູ່ນະຄອນຫຼວງກົວລາລຳເປີ, ສະຫະພັນວິສາຫະກິດທຶນຈີນຢູ່ມາເລເຊຍໄດ້ເຊັນບົດບັນທຶກການຮ່ວມມືກັບສະຫະພັນການຄ້າມາເລເຊຍ-ຈີນ.
ທ່ານ ຫວາງຮົງເຫວີຍ ປະທານສະຫະພັນວິສາຫະກິດທຶນຈີນຢູ່ມາເລເຊຍກ່າວວ່າ: ການເຊັນບົດບັນທຶກການຮ່ວມມືດັ່ງກ່າວໄດ້ເປັນສັກຂີພະຍານທີ່ດີທີ່ສຸດຕໍ່ການຈັດຕັ້ງປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ລະຫວ່າງວິສາຫະກິດຂອງສອງປະເທດ ລວມທັງການຊຸກຍູ້ການຮ່ວມມືດ້ານຄວາມສາມາດການຜະລິດໃນໂລກກໍຄືຊຸກຍູ້ຄວາມໄວ້ເນື້ອເຊື່ອໃຈລະຫວ່າງນັກທຸລະກິດຂອງສອງປະເທດແລະພ້ອມກັນພັດທະນາ. ວິສາຫະກິດຈີນໄດ້ໄປລົງທຶນຢູ່ມາເລເຊຍນັບມື້ຫຼາຍຂຶ້ນກວ່າເກົ່າແລະການປະກອບສ່ວນຂອງວິສາຫະກິດທຶນຈີນຕໍ່ການພັດທະນາເສດຖະກິດມາເລເຊຍຈະມີຄວາມຈະແຈ້ງກວ່າເກົ່າ,ພື້ນຖານການພົວພັນດ້ານເສດຖະກິດ-ການຄ້າລະຫວ່າງສອງຝ່າຍກໍຈະມີຄວາມໝັ້ນທ່ຽງກວ່າເກົ່າ.
ທ່ານ ໄຕ້ລຽງເຢ້ ປະທານສະຫະພັນການຄ້າມາເລເຊຍ-ຈີນຊີ້ໃຫ້ເຫັນວ່າ: ການພົວພັນດ້ານເສດຖະກິດ-ການຄ້າລະຫວ່າງມາເລເຊຍ-ຈີນນັບມື້ນັບສົດໃສຂຶ້ນຕື່ມ ໂດຍຈະສົ່ງຜົນເຮັດໃຫ້ສອງຝ່າຍໄດ້ຮັບຜົນປະໂຫຍດຢ່າງຫຼວງຫຼາຍໃນຫຼາຍຂົງເຂດ ແລະໃນຕໍ່ໜ້າ, ມາເລເຊຍຈະເພີ່ມທະວີການຮ່ວມມືໃນດ້ານເສດຖະກິດ-ການຄ້າແລະດ້ານອື່ນໆກັບຈີນຕື່ມອີກ ລວມທັງຊຸກຍູ້ການພັດທະນາການຮ່ວມມືດ້ານການຄ້າລະຫວ່າງສອງປະເທດ.
 |
