ວັນທີ 10 ພຶດສະພານີ້, ທ່ານ ສີຈິ້ນຜິງ ປະທານປະເທດຈີນໄດ້ສົ່ງໂທລະເລກຊົມເຊີຍເຖິງທ່ານ ມູນແຈອິນ ຫຼັງໄດ້ຮັບເລືອກຕັ້ງເປັນປະທານາທິບໍດີ ສ.ເກົາຫຼີ .
ໃນໂທລະເລກ,ທ່ານ ສີຈິ້ນຜິງ ໄດ້ເນັ້ນວ່າ: ຂ້າພະເຈົ້າໄດ້ໃຫ້ຄວາມສຳຄັນສູງຕໍ່ ສ.ເກົາຫຼີ ແລະ ສາຍພົວພັນລະຫວ່າງຈີນ-ສ.ເກົາຫຼີ. ຂະນະດຽວກັນຈີນກໍຍິນດີຮ່ວມກັບ ສ.ເກົາຫຼີ ປົກປັກຮັກສາໝາກຜົນຂອງການເສີມຂະຫຍາຍສາຍພົວພັນລະຫວ່າງສອງປະເທດທີ່ໄດ້ມາບໍ່ແມ່ນງ່າຍ, ໂດຍຢູ່ບົນພື້ນຖານສ້າງຄວາມເຂົ້າໃຈກັນແລະຕ່າງເຄົາລົບເຊິ່ງກັນແລະກັນ,ປັບປຸງຄວາມໄວ້ເນື້ອເຊື່ອໃຈກັນທາງການເມືອງ,ແກ້ໄຂຄວາມຂັດແຍ້ງກັນຢ່າງເໝາະສົມ,ເພີ່ມທະວີການຮ່ວມມືໃນການປະສານງານ,ຊຸກຍູ້ການພົວພັນລະຫວ່າງສອງປະເທດໃຫ້ພັດທະນາຢ່າງປອດໃສແລະໝັ້ນທ່ຽງ. ຂ້າພະເຈົ້າຍິນດີຮ່ວມກັບທ່ານສຸມທຸກຄວາມພະຍາຍາມ ເພື່ອເຮັດໃຫ້ສາຍພົວພັນລະຫວ່າງສອງປະເທດໄດ້ຮັບການພັດທະນາແລະນຳເອົາຜົນປະໂຫຍດມາໃຫ້ແກ່ສອງປະເທດກໍຄືປະຊາຊົນສອງຊາດໄດ້ດີກວ່າເກົ່າ.