ຍຸດທະສາດພັດທະນາອາຊຽນເຊື່ອມຕໍ່ກັບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"
2017-05-10 15:47:15 cri
ຕາມຂ່າວCRI: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຂອງຈີນໄດ້ເຮັດໃຫ້ບັນດາປະເທດໃນອາຊຽນເອົາໃຈໃສ່ສູງ ແລະຕອບຮັບຢ່າງຕັ້ງໜ້າ ໃນໂອກາດດຳເນີນກອງປະຊຸມສຸດຍອດຈີນອາຊຽນຄັ້ງທີ 19 ແລະກອງປະຊຸມສຸດຍອດລະນຶກຈີນແລະອາຊຽນສ້າງສາຍພົວພັນຄູ່ເຈລະຈາຄົບຮອບ 25 ປີ ເມື່ອເດືອນກັນຍາ 2016. ກອງປະຊຸມສຸດຍອດໄດ້ອອກຖະແຫຼງການຮ່ວມວ່າ, ບັນດາປະເທດໃນອາຊຽນຈະກຳນົດຂົງເຂດບູລິມະສິດຮ່ວມໃນ "ແຜນພັດທະນາລວມການເຊື່ອມຈອດກັນຂອງອາຊຽນ" ແລະຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ປຶກສາຫາລືວິທີຮ່ວມມືເພື່ອເພີ່ມທະວີການເຊື່ອມຈອດກັນລະຫວ່າງສອງຝ່າຍ ແລະສົ່ງເສີມໃຫ້ອົງການການທະນາຄານຕ່າງໆຕັ້ງໜ້າເຂົ້າຮ່ວມ. ຂະນະດຽວກັນ, ຜູ້ນຳຈີນແລະອາຊຽນຍັງໄດ້ຢືນຢັນວ່າ "ຖະແຫຼງການຮ່ວມກ່ຽວກັບການຮ່ວມມືຄວາມສາມາດດ້ານການຜະລິດຈີນ-ອາຊຽນ" ຕົ້ນຕໍກໍເພື່ອຊ່ວຍບັນດາປະເທດໃນອາຊຽນລົງເລິກການຮ່ວມມືໃນອຸດສາຫະກຳຕ່າງໆ ແລະຍົກລະດັບຂະແໜງການອຸດສາຫະກຳໃຫ້ສູງຂຶ້ນ.
