ຕາມຂ່າວສານຊິນຮວາ: ທ່ານເກິ໋ງສວງ ໂຄສົກກະຊວງການຕ່າງປະເທດຈີນກ່າວໃນວັນທີ 9 ເດືອນນີ້ວ່າ, ຂະນະທີ່ການປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຈະພົບຄວາມຫຍຸ້ງຍາກ ແລະສິ່ງທ້າທາຍຕ່າງໆ, ແຕ່ການຈັດກອງປະຊຸມເວທີປຶສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ກໍເພື່ອສະຫຼຸບຖອດຖອນບົດຮຽນ, ວິເຄາະບັນຫາ, ຮ່ວມກັນຮັບມືກັບສິ່ງທ້າທາຍ ແລະຮ່ວມແຮງຮ່ວມໃຈກັນ.
ທ່ານກ່າວຕື່ມວ່າ, ພາຍຫຼັງຈີນໄດ້ສະເໜີຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເປັນຕົ້ນມາ ກໍໄດ້ຮັບສຽງຕອບຮັບຈາກປະຊາຄົມໂລກຢ່າງກວ້າງຂວາງ ເຊິ່ງສາມາດສ່ອງແສງໃຫ້ເຫັນເຖິງອະນາຄົດຂອງການພັດທະນາທີ່ດີ. ເຊັ່ນດຽວກັນກັບພາລະກິດທີ່ຍິ່ງໃຫຍ່ຕ່າງໆໃນປະຫວັດສາດຂອງມະນຸດ ເຊິ່ງການປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ຍ່ອມຕ້ອງພົບຄວາມຫຍຸ້ງຍາກແລະສິ່ງທ້າທາຍຕ່າງໆນາໆ ແລະກໍຖືວ່າເປັນເລື່ອງປົກະຕິ. ເມື່ອມີສິ່ງທ້າທາຍ, ເຮົາກໍຄວນສືບຕໍ່ຮັບມື! ເມື່ອມີຄວາມຫຍຸ້ງຍາກ, ເຮົາກໍຈະຜ່ານຜ່າ! ນີ້ຄືບົດຮຽນທີ່ລ້ຳຄ່າຂອງຈີນໃນການປະຕິຮູບແລະໄຂປະຕູສູ່ພາຍນອກມາເປັນເວລາເກືອບ 40 ປີ.
 |
